કચ્છના ગાંધીધામમાં કન્ટેનરમાં લાકડાની આડમાંથી ઝડપાયો કોકેઈનનો જથ્થો
કચ્છના ગાંધીધામમાંથી લાકડાની આડમાં કોકેઈનનો જથ્થો ઝડપ્યો છે. કોકેઈનની કિંમત અંદાજે 10.04 કરોડ રુપિયા હોવાનું સામે આવ્યું છે. તથા 1 કિલોથી વધુનો જથ્થો DRIએ ઝડપી પડયો છે.
X
કચ્છના ગાંધીધામમાંથી લાકડાની આડમાં આવેલ કોકેઇનનો જથ્થો ઝડપ્યો છે. કે જેમાં કોકેઈનની કિંમત અંદાજે 10.04 કરોડ રુપિયા હોવાનું સામે આવ્યું છે. તથા 1 કિલોથી વધુનો જથ્થો ઝડપાયો છે. ગતરાત્રે ડ્રગ્સ હોવાની શક્યતાના પગલે DRIએ આ બધાજ કન્ટેનરને અટકાવ્યા હતા.
DRI દ્વારા દરોડા પાડીને સતત કાર્યવાહી હાથ ધરવામાં આવી રહી છે ત્યારે ડિરેક્ટોરેટ ઑફ રેવન્યુ ઈન્ટેલિજન્સ એ આયાત કન્સાઈનમેન્ટમાંથી 1.04 કિલો કોકેઈન રીકવર કર્યું છે, કે જેની કિંમત આંતરરાષ્ટ્રીય ગેરકાયદેસર બજારમાં 10 કરોડથી વધુ હોવાનો અંદાજ લગાવવામાં આવ્યો છે. DRIને આ અંગે ચોક્કસ બાતમી મળી હતી કે એક્વાડોરથી આયાત કરાયેલા અમુક માલસામાનમાં માદક દ્રવ્યો હોવાની શક્યતા હોઈ શકે છે. આ કન્સાઇનમેન્ટના આયાત માટે બિલ ઓફ એન્ટ્રી ફાઇલ કરવામાં આવી નહોતી. આ કન્સાઇનમેન્ટ જે ઇક્વાડોરથી મુન્દ્રા બંદરે આયાત કરવામાં આવ્યું હતું. કે જેની વિગતવાર તપાસ માટે ઓળખ કરવામાં આવી હતી. અને આ તપાસ દરમિયાન એક કન્ટેનરમાં એક પેકેટ ચુસ્ત રીતે લાકડાની આડમાં લપેટાયેલું મળી આવ્યું હતું.
ગાંધીધામ ભચાઉ હાઈવે પર આવેલા એ.વી.જોશી CSFમાં વધુ એકવાર ડ્રગ્સની તપાસ શરૂ થઈ ગઈ છે. અને અહીં વિદેશથી કન્ટેનરો આવ્યાં હતાં. તથા આ કન્ટેનરોમાં વિદેશથી આવેલા લાકડાની આડમાં ડ્રગ્સ ઘુસાડાયું હોવાની શંકા સામે આવી છે, કે જે બાતમીના આધારે DRIએ આ કન્ટેનરો રોકાવ્યાં હોવાનું સૂત્રો પાસેથી જાણવા મળ્યું હતું. અને DRIની તપાસ દરમિયાન કન્ટેનરમાં એક પેકેટ ચૂસ્ત રીતે લપેટાયેલું મળી આવ્યું હતું. તથા શંકાસ્પદ પેકેટમાંથી નમૂનો લેવામાં આવ્યો હતો અને ટેસ્ટ કરવામાં આવ્યો હતો. અને તે ટેસ્ટ બાદ કોકેઈન હોવાનું સામે આવ્યું હતું. DRI દ્વારા હાલ વધુ તપાસ હાથ ધરવામાં આવી છે.
