સંબંધોને શર્મસાર કરતો કિસ્સો, નરાધમ માસાએ 11 વર્ષીય ભાણેજ સાથે કર્યું ગંદુ કામ, સરખેજમાં નોંધાયો ગુનો
રાત્રે 11 વર્ષીય સગીરા સુઈ રહી હતી, તે દરમિયાન અચાનક તેનાં માસાએ તેની પાસે આવી બળજબરી કરી હતી અને દુષ્કર્મ ગુજાર્યું હતું. સગીરા આ ઘટનાથી ડરી જતા બીજા દિવસે સવારે જ નરાધમ માસાએ બન્ને સગીરાઓને તેનાં માતાપિતાના ઘર બહાર મુકી જતો રહ્યો હતો.
X
ભાવેશસિંહ રાજપુત, અમદાવાદ/ શહેરમાં અવારનવાર દુષ્કર્મ અને છેડતી જેવા બનાવો બને છે, જોકે અમુક કિસ્સામાં પિતા પુત્રી, કાકા ભત્રીજી, અથવા તો અન્ય સંબંધોને શર્મસાર કરતા બનાવો બનતા હોય છે. તેવામાં સરખેજ પોલીસ સ્ટેશન વિસ્તારમાં પણ આવો જ એક ગુનો નોંધાયો છે. જેમાં 11 વર્ષની સગીરા સાથે તેનાં જ સગા માસાએ દુષ્કર્મ ગુજાર્યું છે. જેને લઈને પોલીસે ગુનો દાખલ કર્યો છે.
અમદાવાદમાં રહેતી એક મહિલાએ આ અંગે પોલીસ ફરિયાદ નોંધાવી છે. ફરિયાદીને સંતાનમાં બે દિકરીઓ છે, જેમાં એક દિકરી 11 વર્ષ 7 માસની છે. જ્યારે અન્ય દિકરી 5 વર્ષની છે. મોટી દિકરી શાળામાં અભ્યાસ કરે છે. ગત 7 નવેમ્બરનાં રોજ ફરિયાદીને કામથી બહાર જવાનું હોવાથી પોતાની બહેન જે સરખેજ વિસ્તારમાં પતિ અને બાળકો સાથે રહે છે તેનાં ઘરે બન્ને દિકરીઓને મુકી ગયા હતા.
જે રાત્રે 11 વર્ષીય સગીરા સુઈ રહી હતી, તે દરમિયાન અચાનક તેનાં માસાએ તેની પાસે આવી બળજબરી કરી હતી અને દુષ્કર્મ ગુજાર્યું હતું. સગીરા આ ઘટનાથી ડરી જતા બીજા દિવસે સવારે જ નરાધમ માસાએ બન્ને સગીરાઓને તેનાં માતાપિતાના ઘર બહાર મુકી જતો રહ્યો હતો. આ ઘટનાથી હેબતાઇ ગયેલી સગીરાના સ્વભાવમાં ફેરફાર થતા માતાએ પુછતા તેણે સમગ્ર હકિકત જણાવી હતી.
જે બાદ સગીરાનાં માતાપિતા અને આરોપી વચ્ચે આ બાબતને લઈને ઝઘડો પણ થયો હતો. અને સગીરાને તેની માતા હોસ્પિટલ લઈને પહોંચી હતી. જોકે સગીરાની સાથે આ પ્રકારનો ગંભીર બનાવ બનતા ડોક્ટરે સરખેજ પોલીસને જાણ કરી હતી. સરખેજ પોલીસે સ્થળ પર પહોંચી સગીરાનું નિવેદન લઈને તેનાં માતાની ફરિયાદનાં આધારે પોક્સો સહિતની કલમો હેઠળ ગુનો દાખલ કર્યો છે. આ ઘટના બાદ આરોપી માસા ફરાર થઈ જતા પોલીસે તેને પકડવા માટે ચક્રો ગતિમાન કર્યા છે.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https://whatsapp.com/channel/0029Va5h5lFLikgFQ1gJxZ2U
WhatsApp Group : https://chat.whatsapp.com/L1eF5HL2qu51EIqrPVyoHB
TV13 Web : http://www.tv13gujarati.com/
