સલમાન ખાનના ફાર્મ હાઉસ પર હુમલો કરનાર આરોપીને મળ્યા જામીન
સલમાન ખાનના પનવેલ ફાર્મ હાઉસ પર હુમલાનું કાવતરું ઘડનારા બે આરોપીઓને જામીન મળી ગયા છે. આ આરોપીઓએ ગયા વર્ષે હુમલાની યોજના બનાવી હતી.
X
જાન્યુઆરી 2024માં બોલિવૂડ અભિનેતા સલમાન ખાનના પનવેલ ફાર્મ હાઉસમાં બે લોકોએ બળજબરીથી ઘૂસવાનો પ્રયાસ કર્યો હતો. આ કેસમાં પોલીસે બે આરોપીઓની ધરપકડ કરી હતી. હવે બોમ્બે હાઈકોર્ટે સલમાનના ફાર્મ હાઉસ પર હુમલાનું કાવતરું ઘડવાના આરોપમાં ધરપકડ કરાયેલા આ બે આરોપીઓને જામીન આપ્યા છે.
આરોપી વિરુદ્ધ કોઈ નક્કર પુરાવા ન મળ્યા: કોર્ટ
બોમ્બે હાઈકોર્ટે પોતાના નિર્ણયમાં કહ્યું છે કે આરોપી વિરુદ્ધ કોઈ નક્કર પુરાવા મળ્યા નથી. કોર્ટના જણાવ્યા અનુસાર, જે વ્હોટ્સએપ ગ્રુપમાં સલમાન ખાનના ફાર્મ હાઉસ પર હુમલાનું કાવતરું ઘડવામાં આવ્યું હતું અને તેની ચર્ચા કરવામાં આવી હતી તેમાં આરોપીઓની હાજરી સિવાય તેમની વિરુદ્ધ કોઈ નક્કર પુરાવા મળ્યા નથી.
સલમાન ખાનના પનવેલ ફાર્મ હાઉસ પર હુમલાના કેસમાં પોલીસે આરોપી વાસ્પી મહમૂદ ખાન ઉર્ફે વસીમ ચિકના અને ગૌરવ વિનોદ ભાટિયા ઉર્ફે સંદીપ બિશ્નોઈની ધરપકડ કરી હતી. કોર્ટમાં બચાવ પક્ષના વકીલો તનવીર અઝીઝ પટેલ અને અસિત યશવંત ચાવરેએ દલીલ કરી હતી કે તેઓ વોટ્સએપ ગ્રુપમાં હોવાને કારણે તેમને આરોપી ગણી શકાય નહીં.
ગેલેક્સી એપાર્ટમેન્ટની બહાર પણ ફાયરિંગ થયું હતું
ગયા વર્ષે 14 એપ્રિલે સલમાન ખાનના ગેલેક્સી એપાર્ટમેન્ટની બહાર ફાયરિંગ કરવામાં આવ્યું હતું. બે બાઇક સવાર શૂટરોએ તેના ઘરની બહાર 5 રાઉન્ડ ફાયરિંગ કર્યું હતું. આ કેસની જવાબદારી લોરેન્સ બિશ્નોઈ ગેંગે લીધી હતી. પોલીસે ફાયરિંગ કેસમાં કેટલાક આરોપીઓની ધરપકડ પણ કરી હતી.
FOLLOW US ON SOCIAL MEDIA PLATFORM
TV13 Web : http://www.tv13gujarati.com/
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https: //whatsapp.com/channel/
WhatsApp Group : https://chat.whats
