મહારાષ્ટ્રના મહા સંગ્રામ બાદ કોઈ મહા ખેલના એંધાણ ! એકનાથ શિંદેએ શરદ પવાર ગ્રુપના નેતા સાથે કરી મુલાકાત
શિંદેની સતારાની મુલાકાત અંગે શિવસેનાના ધારાસભ્ય ઉદય સામંતે કહ્યું કે કોઈ નારાજગી નથી. એકનાથ શિંદેની તબિયત ખરાબ હોવાને કારણે તેઓ તેમના ઘરે ગયા છે. સારા સ્વાસ્થ્ય માટે ગયા છે. ગઈકાલે આદરપૂર્વક બેઠક યોજાઈ હતી. 60 ધારાસભ્યોએ મળીને શિંદેજીને આ સંદેશ આપ્યો છે કે અમે ઈચ્છીએ છીએ કે તેઓ ડેપ્યુટી સીએમ બને.
X
ચૂંટણી પરિણામો બાદ પણ મહારાષ્ટ્રનું રાજકીય તાપમાન ઊંચુ છે. હજી સુધી મહાયુતિએ મુખ્યમંત્રીના નામ પર કોઈ નિર્ણય લીધો નથી. તો બીજી તરફ, એકનાથ શિંદે મહાવિકાસ અઘાડી ઘટક NCP-SP નેતા જીતેન્દ્ર આવ્હાડને મળ્યા છે. એકનાથ શિંદે સાતારા જતા પહેલા જિતેન્દ્ર આવ્હાડને મળ્યા હતા. જોકે આ મુલાકાતનું કારણ જાણવા મળ્યું નથી.
એકનાથ શિંદે સતારા જિલ્લામાં સ્થિત તેમના ગામમાં બે દિવસ રોકાશે. આવી સ્થિતિમાં 29 અને 30 નવેમ્બરે મુંબઈમાં મહાયુતિની બેઠક યોજાય તેવી કોઈ શક્યતા નથી. આ બેઠક રવિવારે યોજાશે જેના માટે ભાજપના નિરીક્ષકો મુંબઈમાં રહેશે. શિંદેની સતારાની મુલાકાત અંગે શિવસેનાના ધારાસભ્ય ઉદય સામંતે કહ્યું કે કોઈ નારાજગી નથી. એકનાથ શિંદેની તબિયત ખરાબ હોવાને કારણે તેઓ તેમના ઘરે ગયા છે. સારા સ્વાસ્થ્ય માટે ગયા છે. ગઈકાલે આદરપૂર્વક બેઠક યોજાઈ હતી. 60 ધારાસભ્યોએ મળીને શિંદેજીને આ સંદેશ આપ્યો છે કે અમે ઈચ્છીએ છીએ કે તેઓ ડેપ્યુટી સીએમ બને. એકનાથ શિંદે પોતે આનો નિર્ણય કરશે.
શિંદેનું સરકારમાં રહેવું જરૂરી છે - ઉદય સામંત
ઉદય સામંતે કહ્યું કે સરકારમાં રહેવું તેમના માટે જરૂરી છે. તેઓ લાડકી બહેના યોજના લાવ્યા છે. તેથી તેમના માટે સરકારમાં રહેવું જરૂરી છે. ફરી એકવાર દેવેન્દ્ર ફડણવીસ, એકનાથ શિંદે અને અજિત પવારની બેઠક થશે જેમાં કેબિનેટ અંગે ઉંડાણપૂર્વક ચર્ચા કરવામાં આવશે. અમે ઈચ્છીએ છીએ કે એકનાથ શિંદે સરકારનો હિસ્સો બને. એવું કહેવામાં આવી રહ્યું હતું કે દિલ્હીમાં અમિત શાહ સાથે મહાયુતિના નેતાઓની બેઠક બાદ સીએમ ચહેરાની જાહેરાત કરવામાં આવશે પરંતુ તેમ થયું નહીં. હવે મુંબઈમાં વધુ એક બેઠકની ચર્ચા છે જેના પર હવે સૌની નજર ટકેલી છે.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https://whatsapp.com/channel/0029Va5h5lFLikgFQ1gJxZ2U
WhatsApp Group : https://chat.whatsapp.com/L1eF5HL2qu51EIqrPVyoHB
TV13 Web : http://www.tv13gujarati.com/
