ભાવનગરમાં એમ્બરગ્રીસ માછલીની ઉલટીનો જથ્થો ઝડપાયો, કૂલ 1.16 કરોડનો મુદ્દામાલ જપ્ત
X
ભાવનગરમાં સ્પર્મ વ્હેલ માછલીની ઉલટીને એમ્બરગ્રીસ નામના પદાર્થ તરીકે ઓળખવામાં આવે છે. ત્યારે ભાવનગર જિલ્લામાં આ એમ્બરગ્રીસનો જથ્થોની બાતમીના આધારે SOG ટીમે શિવાજી સર્કલથી મંત્રેશ કોમ્પલેક્ષ સર્કલ જવાના રોડ પર યોગી સ્મ્રુતિ કોમ્પલેક્ષ પાસેથી એક શખ્સને શંકાસ્પદ રીતે ઝડપી લીધો છે.
માછલીની ઉલટી અંબરગ્રીસ વજન 1.165 કિ.ગ્રા.નો જથ્થો કબજે
મળતી માહિતી મુજબ, ભાવનગરમાં ગેરકાયદે રાખેલા વ્હેલ માછલીની ઉલટી અંબરગ્રીસનો જથ્થો જેની કિંમત રૂપિયા 1 કિલ્લો 165 ગ્રામ જેની કિંમત રૂપિયા 1,16,50,000ના મુદ્દામાલ સાથે ખડસાલિયા ગામે રહેતા અમરૂભાઇ સેલારભાઇ દેસાઇને ઝડપી ઘોઘારોડ પોલીસ સ્ટેશન ખાતે સોપીને આગળની કાર્યવાહી હાથ ધરી છે. જોકે આગાઉ મહુવા સહિતના સ્થળ પરથી પણ વ્હેલ માછલીની ઉલટી અંબરગ્રીસનો જથ્થો ઝડપાયો હતો, ત્યારે આ જથ્થો ક્યાંથી આવ્યો અને અગાઉ ઝડપાયેલા જથ્થા સાથે કોઈ કનેક્શન છે કે, કેમ તે અંગે પોલીસે વધુ તપાસ હાથ ધરી છે.
શું હોય છે વ્હેલની ઉલટી?
આ પદાર્થને વ્હેલની ઉલટી કહેવામાં આવે છે પરંતુ આ સાચુ નથી. હકીકતમાં એમ્બરગ્રીસનો અર્થ ફ્રેન્ચમાં 'ગ્રે અંબર' થાય છે. તે મીણ જેવો એક પદાર્થ હોય છે જે સ્પર્મ વ્હેલના પાચનતંત્રમાં બને છે. સ્પર્મ વ્હેલ એક સંરક્ષિત પ્રજાતિ છે. આ પદાર્થ વ્હેલના પાચનતંત્રમાં બનતો હોવાથી તેને ઉલટી કહેવામાં આવે છે. આ વિશે હજુ પણ વિજ્ઞાન સંપૂર્ણ વિશ્વાસ સાથે નથી કહી શકતું કે એમ્બરગ્રીસ કેવી રીતે બને છે. એક સિદ્ધાંત કહે છે કે, વ્હેલ જ્યારે ખૂબ જ મોટા પ્રમાણમાં સમુદ્રી જીવ ખાઈ લે છે અને તેનો આકાર મોટો હોય છે ત્યારે તેને પચાવવા માટે વ્હેલના આંતરડાઓમાં આ પદાર્થ બને છે.
એમ્બરગ્રીસ વ્હેલ માછલીના શરીરમાંથી બહાર કઈ રીતે નીકળે છે તેની પણ અનેક રીતો હોય છે. ઘણી વખત તે ગુદા દ્વારા બહાર નીકળે છે અને તેનો રંગ મળ જેવો હોય છે. તેમાં મળની તીવ્ર ગંધ પણ હોય છે, જેમાં દરિયાની ગંધ પણ ભળેલી હોય છે. જ્યારે તે વ્હેલના શરીરમાંથી નીકળે છે, ત્યારે તેનો રંગ આછો પીળો હોય છે અને તે જાડી ચરબી જેવી હોય છે. જો કે સમયની સાથે તે ઘાટી લાલ રંગની અને ઘણી વખત કાળી અથવા રાખોડી રંગની પણ બની જાય છે. ત્યારે તેની ગંધ માટી જેવી થઈ જાય છે.
FOLLOW US ON SOCIAL MEDIA PLATFORM
TV13 Web : http://www.tv13gujarati.com/
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https: //whatsapp.com/channel/
WhatsApp Group : https://chat.whats
app.com/L1eF5HL2qu51EIqrPVyoHB
