અવારનવાર નદીમાં ડૂબી જવાની ઘટનાઓ સામે આવતી હોય છે.  ત્યારે 2 જ દિવસમાં 3 અલગ-અલગ સ્થળોએ લોકોની નદીમાં ડૂબવાની ઘટના સામે આવી છે. આજે મોરબીની મચ્છુ નદીમાં ન્હાવા ગયેલા 3 યુવકોનું મૃત્યું થયું છે. ત્યારે ગઇકાલે સુરતના 8 પ્રવાસીઓ પોઇચા નર્મદા નદીમાં ડૂબ્યા હતા. જેમાં 3 નાના બાળકો સાથે 8 લોકો ડૂબ્યા હતા. જેમાંથી 1 યુવાનને સ્થાનિકોએ ડૂબતા બચાવ્યો લીધો હતો. તથા 1 કિશોરનો મૃતદેહ મળ્યો હતો હજુ પણ 6 લોકોની શોધખોળ શરુ છે. ગઇકાલે નવસારીમાં અંબિકા નદીના કિનારે 1 બાળકનું મૃત્યુ થયું હતું. નદીના કિનારે એક બાળક પગ ધોવા માટે ગયો હતો. જ્યાં બાળક ડૂબવા લાગતા તેનો મિત્ર તેને બચાવવા માટે પાણીમાં કૂદ્યો હતો. પરંતુ મિત્રને બચાવવા જતા 11 વર્ષીય ઉમેરખાનનું મોત થયું છે. સ્થાનિકોએ 1 બાળકને બચાવી લીધો હતો અને 1નું મૃત્યુ થયું હતું.