રાજ્યમાં અકસ્માતની ઘટના દિવસેને દિવસે વધી રહી છે. તેવામાં ભુજના પાલારા નજીક બાઇક અને ટ્રેલર વચ્ચે ધડાકાભેર અકસ્માતમાં ત્રણ લોકોના મોત થયા હોવાના સમાચાર મળી રહ્યા છે. એકજ પરિવારના ત્રણના મોતથી પરીવરાજનોમાં શોકનો માહોલ ફેલાયો છે. સમગ્ર ઘટનાને પગલે પોલીસ તપાસ હાથ ધરી છે.

મળતી માહિતી મુજબ, ભુજના પાલારા નજીક ખાવડા નેશનલ હાઇવે પર ગમખ્વાર અકસ્માત સર્જાયો છે. બાઈક, ટ્રેઈલર અને ડમ્પર વચ્ચે ટક્કર થતાં ત્રણ લોકોના મોત થયા છે. જેમાં સ્થાનિક લોકોએ તાત્કાલિક અસરથી બચાવ કામગીરી શરૂ કરી હતી અને 108 એમ્બ્યુલન્સની મદદથી ઘાયલોને નજીકના હોસ્પિટલ ખસેડવામાં આવ્યા હતા.એક જ પરિવારના ત્રણ સભ્યોના અચાનક મોતથી પરિવારજનો અને નજીકના લોકોમાં શોકનો માહોલ છવાઈ ગયો છે. આ દુર્ઘટનાએ સમગ્ર વિસ્તારમાં શોક અને પીડાનું વાતાવરણ સર્જ્યું છે. ભુજ બી ડિવિઝન પોલીસ ઘટના સ્થળે પહોંચી ગઈ છે અને ધોરણસરની કાર્યવાહી હાથ ધરી છે. મૃતકોની ઓળખ સુમરા પરિવારના સભ્યો તરીકે થઈ છે.આ દુર્ઘટનાના કારણો અને અન્ય વિગતો અંગે પોલીસ દ્વારા વધુ તપાસ કરવામાં આવી રહી છે