અહેવાલો અનુસાર તે પોલીસ ટીમ સાથે દુર્ગાપુરના અંદલ બ્રિજ નીચે તે સ્થળે પહોંચી હતી જ્યાં તેનો ભાઈ તેને મળવા આવ્યો હતો અને તેને ઘેરી લેવામાં આવ્યો હતો અને તેની ધરપકડ કરવામાં આવી હતી. મીડિયાના અહેવાલ મુજબ પોલીસે જણાવ્યું હતું કે સફીકની બહેન રોઝીનાએ સોમવારે અંદલ બ્રિજ નીચે તેના ભાઈને શોધવામાં મદદ કરી હતી. ધરપકડ પછી, રોઝીનાએ કહ્યું, "હું ઇચ્છું છું કે સફીક કાયદાનું પાલન કરે, તેના કારણે અમારા પરિવારને બદનામીનો સામનો ન કરવો પડે." રોઝીનાએ વધુમાં જણાવ્યું હતું કે સફીક શરણાગતિ સ્વીકારતી વખતે ડરથી ધ્રૂજી રહ્યો હતો. પોલીસે અન્ય એક આરોપી એસકે નસીરુદ્દીનની પણ ધરપકડ કરી હતી, જેની બાઇકનો ઉપયોગ ઘટનાસ્થળેથી ભાગી જવા માટે કરવામાં આવ્યો હતો.

આ ધરપકડો સાથે આ કેસમાં પાંચેય આરોપીઓ હવે પોલીસ કસ્ટડીમાં છે. બાકીના ત્રણ રિયાઝુદ્દીન (ભૂતપૂર્વ કોલેજ સિક્યુરિટી ગાર્ડ), અપુ બરુઈ અને ફિરદોસ એસકે 12 ઓક્ટોબરના રોજ ધરપકડ કરવામાં આવી હતી અને તેમને 10 દિવસની પોલીસ કસ્ટડીમાં મોકલવામાં આવ્યા હતા. સોમવારે ધરપકડ કરાયેલા બે આરોપીઓને નવ દિવસના રિમાન્ડ પર મોકલવામાં આવ્યા છે.

વધુમાં મંગળવારે સવારે બે આરોપીઓને છુપાયેલા પુરાવા શોધવા માટે તેમના ઘરે લઈ જવામાં આવ્યા હતા. શોધખોળ દરમિયાન પોલીસે તેમના રહેઠાણમાંથી કેટલાક કપડાં જપ્ત કર્યા જે ગુના દરમિયાન પહેરવામાં આવ્યા હતા. અધિકારીએ જણાવ્યું કે અન્ય ત્રણ આરોપીઓના કપડાં પહેલાથી જ જપ્ત કરવામાં આવ્યા છે. આ બધા કપડાં ફોરેન્સિક તપાસ માટે મોકલવામાં આવશે.

અધિકારીએ વધુમાં જણાવ્યું કે પાંચેય આરોપીઓની પૃષ્ઠભૂમિ તપાસ ચાલી રહી છે જેથી તેઓ અગાઉ કોઈ ગુનાહિત સંડોવણી ધરાવે છે કે નહીં તે નક્કી કરી શકાય. તેમના જપ્ત કરાયેલા મોબાઈલ ફોનની પણ તપાસ ચાલી રહી છે. પોલીસ પીડિતાના સહાધ્યાયીઓની પણ પૂછપરછ કરી રહી છે. તમને જણાવી દઈએ કે ઓડિશાના જલેશ્વરની રહેવાસી બીજા વર્ષની વિદ્યાર્થીની શુક્રવારે રાત્રે દુર્ગાપુરમાં એક ખાનગી મેડિકલ કોલેજની બહાર તેના મિત્ર સાથે રાત્રિભોજન કરવા ગઈ હતી, ત્યારે કેટલાક લોકોએ તેના પર સામૂહિક બળાત્કાર ગુજાર્યો હતો.