રાજકોટ અને મોરબી જિલ્લાના ખેડૂતોને મળશે વ્યાજ વગર લોન, જયેશ રાદડિયાએ કરી જાહેરાત
રાજકોટ ડિસ્ટ્રિકટ બેંકના કાર્યક્ષેત્ર રાજકોટ તથા મોરબી જિલ્લાના આશરે સવા બે લાખ જેટલા ખેડુતોને 1000રૂ કરોડનું વગર વ્યાજનું ધિરાણ કરવાનું આયોજન કરેલ છે. ખેડુતોને આ 0% વ્યાજે ધિરાણ કરવાથી જિલ્લા સહકારી બેંકને અંદાજે 100 કરોડ રૂપિયા જેટલી માતબર રકમનો બોજ પડશે જે બોજ જિલ્લા બેંક ઉઠાવશે તેવી જાહેરાત કરી હતી.
X
રાજકોટ જિલ્લા બેંક દ્વારા ખેડૂતોને વગર વ્યાજની લોન આપવાની જાહેરાત કરવામાં આવી છે. સમગ્ર સૌરાષ્ટ્રમાં તાજેતરમાં પડેલા અતિભારે કમોસમી વરસાદના કારણે અનેક વિસ્તારમાં અતિવૃષ્ટિ સર્જાયેલ હોય ત્યારે રાજકોટ જીલ્લા સહકારી બેંકના ચેરમેન અને ભાજપના ધારાસભ્ય જયેશભાઈ રાદડિયા તથા બેંકના તમામ ડિરેકટરોએ આ કપરા સમયમાં રાજકોટ તથા મોરબી જિલ્લાના બેંક સાથે જોડાયેલા ખેડુતોની પડખે ઉભા રહેવાનો નિર્ણય કરેલ છે અને તેમને આ માટે રૂ.1000 કરોડની વગર વ્યાજની લોન આપવાની જાહેરાત કરવામાં આવી છે.
આ અંગે આજે બેંકના ચેરમેન જયેશભાઈ રાદડિયાએ પત્રકાર પરિષદ સંબોધી હતી જેમાં તેમણે જણાવ્યું હતું કે, રાજકોટ ડિસ્ટ્રિકટ બેંકના કાર્યક્ષેત્ર રાજકોટ તથા મોરબી જિલ્લાના આશરે સવા બે લાખ જેટલા ખેડુતોને 1000 કરોડ રૂપિયાનું વગર વ્યાજનું ધિરાણ કરવાનું આયોજન કરેલ છે. ખેડુતોને આ 0% વ્યાજે ધિરાણ કરવાથી જિલ્લા સહકારી બેંકને અંદાજે 100 કરોડ રૂપિયા જેટલી માતબર રકમનો બોજ પડશે જે બોજ જિલ્લા બેંક ઉઠાવશે તેવી જાહેરાત કરી હતી.
રાજકોટ અને મોરબી જિલ્લામાં તાજેતરમાં થયેલ અતિવૃષ્ટિના કારણે ખેડુતોના તૈયાર પાકોને નુકશાન થયેલ છે તેમજ સતત પડેલ અતિભારે વરસાદને કારણે ખેડુતોને મગફળી, કપાસ, સોયાબીન, તુવેર તથા મરચી સહિતના તૈયાર પાકને ખુબ જ નુકશાન થયેલ છે. જે બાબતને ધ્યાને લઈ ખેડુતોની હરહંમેશ ચિંતા કરતાં રાજકોટ ડિસ્ટ્રિકટ કો-ઓપ. બેંકના ચેરમેન જયેશભાઈ રાદડિયા તથા બોર્ડ ઓફ ડિરેકટર્સના તમામ સભ્યઓએ નિર્ણય કરી રાજકોટ અને મોરબી જિલ્લાની બેંક સાથે જોડાયેલ ખેતી વિષયક સહકારી મંડળીઓમાંથી ધિરાણ મેળવતા ખેડુતોને પાક નુકશાની સામે 0% એ 50000 રૂપિયા સુધીની લોન આપવાની જાહેરાત કરી ખેડુતોની વહારે આવેલ છે.
ખેડુતોને પુરી પાડવાની આ લોનની અંદાજીત કુલ રકમ 1000 કરોડ રૂપિયા જેટલી થશે, જેના ઉપર થનાર 100 કરોડ રૂપિયા જેટલું વ્યાજ બેંક વહન કરશે. જેથી ખેડુતોને 100 કરોડ રૂપિયાનો ફાયદો થશે. આમ ખેડુતોની હરહંમેશ ચિંતા કરનાર વિઠલભાઈ રાદડિયાના પગલે ચાલી બેંકના ચેરમેન જયેશભાઈ રાદડિયા તથા તેમની ટીમ એ અસરગ્રસ્ત ખેડુતો માટે તાકીદની 0% વ્યાજે લોનની જાહેરાત કરી રાજકોટ તથા મોરબી જિલ્લાના અસરગ્રસ્ત ખેડુતોને અતિવૃષ્ટિ સામે ખુબ જ સહાયરૂપ બનેલ છે.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https://whatsapp.com/channel/0029Va5h5lFLikgFQ1gJxZ2U
WhatsApp Group : https://chat.whatsapp.com/L1eF5HL2qu51EIqrPVyoHB
TV13 Web : http://www.tv13gujarati.com/
