કોઈ તમને કોઈ કારણ વગર ફોન કરીને હેરાન કરે છે, તો તેના પર 50 હજારથી 2 લાખ રૂપિયા સુધીનો દંડ થઈ શકે છે. કેન્દ્રની મોદી સરકાર દ્વારા એક નવું ટેલિકોમ બિલ રજૂ કરવામાં આવ્યું છે, જેમાં અલગ-અલગ નિયમોના ઉલ્લંઘન પર 50 હજાર રૂપિયાથી લઈને 2 લાખ રૂપિયા સુધીનો દંડ વસૂલવામાં આવશે.

તમે અનિચ્છનીય કૉલ્સથી પરેશાન છો, તો તમારા માટે રાહતની અપેક્ષા રાખી શકાય છે. કારણ કે એવું માનવામાં આવે છે કે નવા બિલથી અનિચ્છનીય કોલ રોકવામાં મદદ મળશે. તમને જણાવી દઈએ કે છેલ્લા કેટલાક વર્ષોમાં અનવોન્ટેડ કોલ્સની સંખ્યામાં વધારો થયો છે. પ્રમોશન અને બેંક કૉલ્સમાં વધારો થયો છે. આ માટે ટ્રાઈ દ્વારા ઘણા સૂચનો આપવામાં આવ્યા છે. તેમ છતાં ટેલિકોમ કંપનીઓ દ્વારા કોઈ નક્કર પગલાં લેવામાં આવ્યા નથી. આવી સ્થિતિમાં સરકારે કડકતા દાખવીને નવા ટેલિકોમ બિલમાં દંડની જોગવાઈ કરી છે. આવી સ્થિતિમાં એવી આશા છે કે આપણે અનિચ્છનીય કૉલ્સથી છૂટકારો મેળવી શકીએ. અગાઉ, TRAI એ તમામ ટેલિકોમ કંપનીઓને AI ફિલ્ટર્સની મદદથી છેતરપિંડી અને અજાણ્યા કૉલ્સને રોકવા માટે નિર્દેશ આપ્યો હતો.

આ પણ જુઓ: કીર્તિદાન ગઢવી અને માયાભાઈ આહીરે રામ મંદિરના ધ્વજદંડની કરી પૂજા

નવા ટેલિકોમ બિલમાં ઘણા સુધારા કરવામાં આવ્યા છે. આમાં સરકારે ટેલિકોમ કંપનીઓને રાહત આપી છે અને દંડની રકમ 50 કરોડ રૂપિયાથી ઘટાડીને 5 કરોડ રૂપિયા કરી દીધી છે. આ ઉપરાંત, ગ્રાહકો સામે નિયમોના ઉલ્લંઘન માટે દંડમાં વધારો કરવામાં આવ્યો છે. આ સિવાય OTT માટે નિયમો નક્કી કરવામાં આવ્યા છે.