ગુજરાત CID ક્રાઇમે આંતરરાષ્ટ્રીય સાયબર ગુના અને ટ્રાફિકિંગ રેકેટનો પર્દાફાશ, ત્રણની ધરપકડ
X
ગુજરાત સીઆઈડી ક્રાઈમના સાયબર સેન્ટર ઓફ એક્સેલન્સે આંતરરાજ્ય અને આંતરરાષ્ટ્રીય સાયબર ગુના અને માનવ તસ્કરી સિન્ડિકેટનો પર્દાફાશ કર્યો છે, જેમાં ત્રણ વ્યક્તિઓની ધરપકડ કરવામાં આવી છે. આ ગેંગ પર આરોપ છે કે તે ગુજરાતી નાગરિકોને વિદેશમાં ઉચ્ચ પગારવાળી નોકરીઓનું વચન આપીને દક્ષિણ પૂર્વ એશિયાઈ દેશોમાં લઈ જાય છે, અને તેમને સાયબર ગુનાઓ કરવા મજબૂર કરે છે.
આરોપીઓએ, "મિયાઝ અલી" અને "તનવીર" જેવા સબ-એજન્ટો અને પાકિસ્તાની એજન્ટો સાથે મળીને ગુજરાતી નાગરિકોને આકર્ષક ડેટા એન્ટ્રી નોકરીઓની લાલચ આપી હતી. પીડિતોને વિદેશમાં ઉચ્ચ પગારવાળી નોકરીઓનું વચન આપીને દક્ષિણપૂર્વ એશિયાઈ દેશોમાં લઈ જવામાં આવ્યા હતા.ત્યાં પહોંચ્યા પછી ચીની ગેંગ એજન્ટોએ પીડિતોના પાસપોર્ટ, મોબાઇલ ફોન અને અન્ય દસ્તાવેજો જપ્ત કર્યા હતા.ત્યારબાદ પીડિતોને સરહદ પાર મોઇ નદી દ્વારા, મ્યાનમારના મ્યાવાડી ટાઉનશીપમાં કેકે પાર્ક જેવા સ્થળોએ લઈ જવામાં આવતા હતા. જ્યાં તેમને ગેરકાયદેસર અટકાયતમાં રાખવામાં આવતા હતા.
બંધકોને લાંબા સમય સુધી કેટલાક કિસ્સાઓમાં છ મહિના કે તેથી વધુ સમય માટે ગેરકાયદેસર અટકાયત અને શારીરિક અને માનસિક ત્રાસ આપવામાં આવતો હતો. તેમને ફિશિંગ, ક્રિપ્ટો કૌભાંડો, પોન્ઝી યોજનાઓ અને ડેટિંગ એપ્લિકેશન છેતરપિંડી સહિતના વિવિધ સાયબર ગુનાઓ કરવા દબાણ કરવામાં આવતું હતું. જેના કારણે સાયબર ગુલામીનો ભોગ બનવું પડતું હતું. જે લોકોએ સહકાર આપવાનો ઇનકાર કર્યો હતો તેમને શારીરિક અને માનસિક ત્રાસ આપવામાં આવતો હતો. આ સિન્ડિકેટ દ્વારા કુલ 41 નાગરિકોને મોકલવામાં આવ્યા હોવાનું જાણવા મળે છે:
· મ્યાનમાર: 5
· દુબઈ: 15
· વિયેતનામ: 15
· મલેશિયા: 6
ગાંધીનગરમાં સાયબર સેન્ટર ઓફ એક્સેલન્સે આ રેકેટમાં સંડોવાયેલા ત્રણ વ્યક્તિઓની ધરપકડ કરી છે
· સોનલ સંજયભાઈ ફડ્ડુ (રહે. જુનાગઢ)
· સંજયભાઈ હરિભાઈ ફડ્ડુ (રહે. જુનાગઢ)
· શૈલેષભાઈ વાલજીભાઈ ડાભી (રહે. કવિતા, આણંદ જિલ્લો)
ધરપકડ કરાયેલા આરોપીઓ પાસેથી ત્રણ મોબાઈલ ફોન પણ મળી આવ્યા છે.પોલીસે જણાવ્યું હતું કે ધરપકડ કરાયેલા આરોપીઓ નાણાકીય લાભ માટે આંતરરાષ્ટ્રીય સાયબર સિન્ડિકેટ અને ચીની સાયબર માફિયા સાથે મળીને આ આંતરરાજ્ય અને આંતરરાષ્ટ્રીય સાયબર ગુનાઓ કરી રહ્યા હતા.
FOLLOW US ON SOCIAL MEDIA PLATFORM
TV13 Web : http://www.tv13gujarati.com/
Facebook: https://www.facebook.cm/tv13gujarati
Twitter : https://twitter.com/tv13gujaorati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https: //whatsapp.com/channel/
WhatsApp Group : https://chat.whats
