WTCની ફાઈનલ માટે ભારતે પોતાનું સ્થાન વધુ મજબુત કર્યું, જુઓ પોઈન્ટ ટેબલ
કાનપુર ટેસ્ટ મેચ પહેલા ટીમ ઈન્ડિયા 71.67 ટકા જીત સાથે ટોપ પર હતી અને હવે ટીમ ઈન્ડિયાની જીતની ટકાવારી વધીને 74.24 થઈ ગઈ છે. આ મેચ પહેલા બાંગ્લાદેશની ટીમ 39.29 ટકા જીત સાથે પાંચમા સ્થાને હતી અને હવે તે સાતમા સ્થાને સરકી ગઈ છે. WTC 2025ના પોઈન્ટ ટેબલમાં ઓસ્ટ્રેલિયા બીજા સ્થાને છે, જેની જીતની ટકાવારી 62.50 છે.
X
ભારતીય ટીમે બાંગ્લાદેશને હરાવીને ICC વર્લ્ડ ટેસ્ટ ચેમ્પિયનશિપ 2025ની ફાઈનલ માટે પોતાનું સ્થાન વધુ મજબુત કર્યું છે. રોહિત શર્માની કેપ્ટનશિપ હેઠળ ભારતીય ટીમે વધુ એક ટેસ્ટ શ્રેણી જીતી લીધી છે. ભારતે 2 મેચની ટેસ્ટ શ્રેણીમાં બાંગ્લાદેશનો વ્હાઇટવોશ કર્યો છે. ઈન્ડિયા પાસે WTC 2023-25 સાઈકલમાં હજુ બે ટેસ્ટ શ્રેણી બાકી છે, પરંતુ ટીમ ઈન્ડિયા બાંગ્લાદેશને 2-0થી હરાવીને પ્રથમ સ્થાને મજબૂત રીતે ઊભી રહી છે. બાંગ્લાદેશની ટીમને કાનપુર ટેસ્ટ મેચમાં 7 વિકેટથી હારને કારણે WTC પોઈન્ટ ટેબલમાં મોટો ફટકો પડ્યો છે. પાકિસ્તાનને હરાવીને ભારત રમવા આવેલી બાંગ્લાદેશની ટીમને ભારતમાં હાર સામનો કરવો પડ્યો.
WTC પોઈન્ટ ટેબલમાં ભારત ટોપ પર
કાનપુર ટેસ્ટ મેચ પહેલા ટીમ ઈન્ડિયા 71.67 ટકા જીત સાથે ટોપ પર હતી અને હવે ટીમ ઈન્ડિયાની જીતની ટકાવારી વધીને 74.24 થઈ ગઈ છે. આ મેચ પહેલા બાંગ્લાદેશની ટીમ 39.29 ટકા જીત સાથે પાંચમા સ્થાને હતી અને હવે તે સાતમા સ્થાને સરકી ગઈ છે. WTC 2025ના પોઈન્ટ ટેબલમાં ઓસ્ટ્રેલિયા બીજા સ્થાને છે, જેની જીતની ટકાવારી 62.50 છે. ત્રીજા સ્થાને શ્રીલંકાની ટીમ છે, જેણે ન્યૂઝીલેન્ડને હરાવીને ત્રીજું સ્થાન મેળવ્યું હતું. શ્રીલંકાની જીતની ટકાવારી 55.56 છે. ઈંગ્લેન્ડની ટીમ ચોથા સ્થાન પર છે, જેની જીતની ટકાવારી 42.19 છે.
દક્ષિણ આફ્રિકાની ટીમ ICC વર્લ્ડ ટેસ્ટ ચેમ્પિયનશિપ 2023-25ના પોઈન્ટ ટેબલમાં પાંચમા સ્થાને છે, જે ભારત વિરુદ્ધ બાંગ્લાદેશની બીજી ટેસ્ટ મેચ પહેલા છઠ્ઠા સ્થાને હતી. દક્ષિણ આફ્રિકાની જીતની ટકાવારી 38.89 છે. છઠ્ઠા સ્થાને ન્યુઝીલેન્ડની ટીમ છે, જે WTCની પ્રથમ સીઝનની વિજેતા છે, જેણે અત્યાર સુધીની મેચો 37.50 ટકાના દરે જીતી છે. બાંગ્લાદેશ સાતમા સ્થાને છે, જેની જીતની ટકાવારી ઘટીને 34.38 થઈ ગઈ છે. 8મું સ્થાન પાકિસ્તાન સાથે છે, જેણે માત્ર 19.05 ટકા મેચો જ જીતી છે, જ્યારે વેસ્ટ ઈન્ડિઝે આ WTCમાં માત્ર 18.52 ટકા મેચો જીતી છે.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https://whatsapp.com/channel/0029Va5h5lFLikgFQ1gJxZ2U
WhatsApp Group : https://chat.whatsapp.com/L1eF5HL2qu51EIqrPVyoHB
TV13 Web : http://www.tv13gujarati.com/
Recent Posts
