LokSabha Election 2024 : 'અનુપમા'ની પોલિટિક્સમાં એન્ટ્રી, રૂપાલી ગાંગુલી આજે ભાજપમાં જોડાયા
ટીવી અભિનેત્રી રૂપાલી ગાંગુલી ભારતીય જનતા પાર્ટીમાં જોડાઈ ગઈ છે. હવે તે એક્ટિંગની સાથે રાજનીતિ કરતી જોવા મળશે.
X
ટીવી ઈન્ડસ્ટ્રીમાંથી એક મોટા સમાચાર સામે આવી રહ્યા છે. જાણીતી અભિનેત્રી રૂપાલી ગાંગુલી રાજકારણમાં પ્રવેશી રહી છે. તેઓ ભારતીય જનતા પાર્ટી (BJP)માં જોડાયા છે. રૂપાલી હાલમાં અનુપમા સિરિયલનો ભાગ છે. રૂપાલીની સાથે ફિલ્મ નિર્દેશક અમય જોશી પણ ભાજપમાં જોડાઈ ગયા છે. અમયે ઘણી મરાઠી ફિલ્મોનું નિર્દેશન કર્યું છે.
રૂપાલી ભાજપમાં જોડાઈ
રૂપાલીએ દિલ્હી હેડક્વાર્ટરમાં ભાજપ પાર્ટીનું સભ્યપદ લીધું. અભિનેત્રીએ આ પ્રસંગે કહ્યું- જ્યારે મેં વિકાસનો આ મહાયજ્ઞ જોયો ત્યારે મને લાગ્યું કે, મારે પણ તેમાં ભાગ લેવો જોઈએ. મને તમારા આશીર્વાદ અને સમર્થનની જરૂર છે. હું જે પણ કરું તે યોગ્ય અને સારું હોવું જોઈએ.
#WATCH | Actress Rupali Ganguly joins BJP at the party headquarters in Delhi. pic.twitter.com/CjRafwFd3W
— ANI (@ANI) May 1, 2024
રૂપાલીની કારકિર્દી
રૂપાલી હાલમાં સિરિયલ 'અનુપમા'થી ટીવી ઈન્ડસ્ટ્રી પર રાજ કરી રહી છે. તે શોમાં લીડ કેરેક્ટર અનુપમાનું પાત્ર ભજવી રહી છે. ચાહકો તેને ખૂબ પસંદ કરે છે. રૂપાલીની લોકપ્રિયતા જબરદસ્ત છે. તેને ઈન્સ્ટાગ્રામ પર 2.9 મિલિયન એટલે કે 20 લાખથી વધુ લોકો ફોલો કરે છે. ગઈકાલે જ અભિનેત્રીએ મુંબઈમાં તેનો 47મો જન્મદિવસ ઉજવ્યો હતો.
રૂપાલી ફિલ્મ નિર્દેશક અનિલ ગાંગુલીની પુત્રી છે. અભિનેત્રીએ તેની કારકિર્દી 7 વર્ષની ઉંમરે શરૂ કરી હતી. તેણે તેના પિતાની ફિલ્મ 'સાહેબ'માં પહેલો રોલ કર્યો હતો. પરંતુ રૂપાલીને 2003માં આવેલી સિરિયલ 'સંજીવનીઃ અ મેડિકલ બૂન'થી ઓળખ મળી હતી. આ પછી અભિનેત્રીએ 'બિગ બોસ'ની સીઝન 1 માં પણ ભાગ લીધો હતો. રૂપાલી 'સારાભાઈ વર્સેસ સારાભાઈ' જેવા હિટ શોનો પણ ભાગ રહી ચુકી છે. તેણે 2013માં સિરિયલ 'પરવરિશ' કર્યા બાદ 7 વર્ષનો બ્રેક લીધો હતો. આ પછી રૂપાલી 'અનુપમા' સાથે ટીવીની દુનિયામાં પાછી આવી.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https://whatsapp.com/channel/0029Va5h...
WhatsApp Group : https://chat.whatsapp.com/L1eF5HL2qu5...
TV13 Web : http://www.tv13gujarati.com/
