તમને જાણીને નવાઈ લાગશે કે મહેન્દ્ર સિંહ ધોનીની કેપ્ટનશીપમાં ચેન્નાઈ સુપર કિંગ્સ લગભગ 2 વર્ષ પછી આજે મેચ જીત્યું છે. CSK એ છેલ્લે ધોનીની કેપ્ટનશીપ હેઠળ IPL 2023 ની ફાઇનલ જીતી હતી. આ પછી ધોનીએ રુતુરાજ ગાયકવાડને કેપ્ટનશીપ સોંપી હતી. ચાલુ સિઝન દરમિયાન ઋતુરાજ ગાયકવાડ ઘાયલ થયા પછી ધોનીને ફરી એકવાર ટીમની કમાન સોંપવામાં આવી અને હવે થાલાએ પોતાની કેપ્ટનશીપ હેઠળ ટીમને વિજય તરફ દોરીને CSK ચાહકોને આનંદ કરવાની મોટી તક આપી છે.

પ્રથમ બેટિંગ કરવાનો મોકો મળ્યા બાદ લખનૌ સુપર જાયન્ટ્સ (LSG) એ કેપ્ટન ઋષભ પંતની અડધી સદીની ઇનિંગના આધારે 7 વિકેટ ગુમાવીને 166 રન બનાવ્યા હતા. પંતે 49 બોલમાં 63 રનની ઈનિંગ રમી હતી. શરૂઆતના સંઘર્ષ પછી પંતે પોતાની લય શોધી કાઢી અને પછી અબ્દુલ સમદ (20 રન) સાથે મળીને પાંચમી વિકેટ માટે 53 રનની ભાગીદારી કરી. ચેન્નાઈ તરફથી રવિન્દ્ર જાડેજા અને મથિશા પથિરાનાએ બોલિંગમાં 2-2 વિકેટ લીધી. જ્યારે ખલીલ અહેમદ અને અંશુલ કંબોજને 1-1 સફળતા મળી હતી. નૂર અહેમદ અને જેમી ઓવરટન એક પણ વિકેટ મેળવી શક્યા નહીં.

લખનૌના સ્કોરનો પીછો કરતી વખતે ચેન્નાઈની શરૂઆત શાનદાર રહી. ટીમે માત્ર 5 ઓવરમાં 50 રનનો આંકડો પાર કર્યો પરંતુ શેખ રશીદની વિકેટ ગુમાવી દીધી. રાશિદે 27 રન બનાવ્યા હતા. રચિન રવિન્દ્ર 37 રન બનાવીને 8મી ઓવરના છેલ્લા બોલ પર પેવેલિયન પરત ફર્યો હતો. આ પછી ચેન્નાઈનો મિડલ ઓર્ડર લથડી ગયો. રાહુલ ત્રિપાઠી (9) અને રવિન્દ્ર જાડેજા (7) સસ્તામાં પેવેલિયન પરત ફર્યા. વિજય શંકર પણ માત્ર 9 રન બનાવીને દિગ્વેશ રાઠીનો શિકાર બન્યો. આ પછી, ધોની ક્રીઝ પર આવ્યો અને શિવમ દુબે સાથે બાજી સંભાળી અને ઝડપી ફેશનમાં અડધી સદીની ભાગીદારી કરી અને અંતે તેની ટીમને વિજય અપાવ્યો હતો. ધોનીએ 11 બોલમાં 4 ચોગ્ગા અને 1 છગ્ગાની મદદથી 26 રનની અણનમ ઇનિંગ રમી હતી જ્યારે શિવમ દુબે 43 રન બનાવીને અણનમ રહ્યો હતો.