IPL 2025 પહેલા લખનૌ સુપર જાયન્ટ્સે કેપ્ટનની કરી જાહેરાત, જાણો કોને મળી કપ્તાની
IPL 2025ની શરૂઆત પહેલા લખનૌ સુપર જાયન્ટ્સ (LSG) એ મોટો નિર્ણય લીધો છે. લખનઉ સુપર જાયન્ટ્સે ઋષભ પંતને પોતાની ટીમનો કેપ્ટન બનાવ્યો છે.
ઇન્ડિયન પ્રીમિયર લીગ (IPL) 2025ની શરુઆત 21 માર્ચથી થવાની છે. IPLની શરૂઆત પહેલા લખનૌ સુપર જાયન્ટ્સ (LSG)ને નવો ટીમ લીડર મળ્યો છે. લખનૌની ટીમે ઋષભ પંતને ટીમનો કેપ્ટન બનાવ્યો છે. લખનઉ સુપર જાયન્ટ્સના માલિક સંજીવ ગોએન્કાએ સ્ટાર સ્પોર્ટ્સ સાથે વાત કરતા આ વાતની પુષ્ટિ કરી છે.
ઋષભ આઈપીએલનો સર્વશ્રેષ્ઠ ખેલાડી
ઋષભ પંતની કેપ્ટન તરીકે નિમણૂકની પુષ્ટિ કરતા ગોએન્કાએ કહ્યું, 'બધી રણનીતિ ઋષભની આસપાસ ફરતી હતી. આ બધું ધ્યાનમાં રાખીને નિર્ણય લેવામાં આવ્યો છે. જ્યારે ગોએન્કાને પૂછવામાં આવ્યું કે માત્ર પંત શા માટે, ગોએન્કાએ કહ્યું - મને લાગે છે કે સમય સાબિત કરશે. તે માત્ર આઈપીએલનો સૌથી મોંઘો ખેલાડી નથી, પરંતુ આઈપીએલનો સર્વશ્રેષ્ઠ ખેલાડી પણ છે.
મારુ ખુલ્લા દિલથી સ્વાગત કરવામાં આવ્યું: ઋષભ પંત
લખનૌ સુપર જાયન્ટ્સનો કેપ્ટન બન્યા બાદ પંતે કહ્યું, 'તેમણે મારા વિશે જે કહ્યું તેનાથી હું અભિભૂત છું. પંતનું માનવું છે કે લખનૌની ટીમમાં પસંદગી થયા બાદ ગોએન્કા સાથેની તમામ વાતચીત પરથી તેમને લાગ્યું કે ફ્રેન્ચાઈઝીમાં તેમનું ખુલ્લા દિલથી સ્વાગત કરવામાં આવ્યું છે.
રાહુલ હતો અગાઉ કેપ્ટન
લખનૌ સુપર જાયન્ટ ટીમ IPL 2022 થી રમી રહી છે. વર્ષ 2022, 2023 અને 2024 લખનૌ સુપર જાયન્ટ્સનું નેતૃત્વ કેએલ રાહુલ દ્વારા કરવામાં આવ્યું હતું. તેની કપ્તાની હેઠળ, ટીમ વર્ષ 2022 અને 2023માં પ્લેઓફ માટે ક્વોલિફાય થઈ હતી, પરંતુ તેની ટીમ વર્ષ 2024માં આવું કરી શકી ન હતી. મેગા ઓક્શન પહેલા લખનૌએ કેએલ રાહુલને પણ જાળવી રાખ્યો ન હતો. કેએલ રાહુલ આગામી સિઝનમાં દિલ્હી કેપિટલ્સ ટીમ તરફથી રમતા જોવા મળશે.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https://whatsapp.com/channel/0029Va5h5lFLikgFQ1gJxZ2U
WhatsApp Group : https://chat.whats
app.com/L1eF5HL2qu51EIqrPVyoHB
TV13 Web : http://www.tv13gujarati.com/