MI vs KKR: આજે મુંબઈ અને કોલકાતા વચ્ચે કાંટે કી ટક્કર, બે પોઈન્ટ માટે બંને ટીમ એકબીજા સાથે ટકરાશે
IPL માં આજની મેચ મુંબઈ ઈન્ડિયન્સ વિ કોલકાતા નાઈટ રાઈડર્સ છે. આ મેચ મુંબઈના વાનખેડે સ્ટેડિયમમાં રમાશે. આજની મેચમાં બંને ટીમોની નજર બે-બે પોઈન્ટ મેળવવા પર રહેશે. KKR ટીમ 12 પોઈન્ટ સાથે પોઈન્ટ ટેબલમાં બીજા નંબર પર છે.
.png)
X
IPL 2024માં શુક્રવારે કોલકાતા નાઈટ રાઈડર્સ અને મુંબઈ ઈન્ડિયન્સ એકબીજાનો સામનો કરશે. આ મેચ KKR માટે ઘણી મહત્વની છે. તે પોઈન્ટ ટેબલમાં બીજા સ્થાને છે. આજની જીત ટીમને પ્લેઓફની નજીક લઈ જશે. જ્યારે મુંબઈ ઈન્ડિયન્સ પ્લેઓફની રેસમાંથી બહાર થવાની નજીક છે. ટીમ અત્યાર સુધી પોતાના માટે વિનિંગ કોમ્બિનેશન શોધી શકી નથી.
મુંબઈ પોતાની પ્લેઈંગ 11માં ચેન્જ કરી શકે છે
કોલકાતા નાઈટ રાઈડર્સના તોફાની બેટિંગ ઓર્ડર માટે જસપ્રિત બુમરાહ ખૂબ જ મહત્વપૂર્ણ છે. મુંબઈની ટીમ કોઈ એક સ્પિનરની જગ્યાએ કુમાર કાર્તિકેયને તક આપી શકે છે. મુંબઈની ટીમના તમામ ખેલાડીઓ પસંદગી માટે ઉપલબ્ધ છે. ભારતીય કેપ્ટન રોહિત શર્માએ 158 રન બનાવ્યા હતા. 29ના સ્ટ્રાઇક રેટથી રન બનાવ્યા છે પરંતુ સતત મોટી ઇનિંગ્સ રમી શક્યા નથી. ટી-20 વર્લ્ડ કપ પહેલા તેના ફોર્મ પર પણ નજર રહેશે. જ્યારે સૂર્યકુમાર યાદવે બે અડધી સદી ફટકારી છે પરંતુ કેપ્ટન હાર્દિક પંડ્યા બેટ કે બોલથી કઈ જ કમાલ કરી શક્યો નથી પરંતુ તેને T20 વર્લ્ડ કપ ટીમનો વાઇસ કેપ્ટન બનાવવામાં આવ્યો છે. તેથી તેનું મનોબળ વધ્યું હશે.
કોલકતાને પોતાની રમતમાં થોડો સુધાર લાવવો પડશે
શ્રેયસ અય્યરની કપ્તાનીવાળી ટીમે દરેક વિભાગમાં સતત સારું પ્રદર્શન કરવું પડશે. KKR છેલ્લી છમાંથી ત્રણ મેચ હારી ચૂક્યું છે અને રેકોર્ડ લક્ષ્યાંકનો પીછો કરતી વખતે પંજાબ કિંગ્સ દ્વારા પરાજય થયો હતો પરંતુ પછી KKRએ પુનરાગમન કર્યું અને દિલ્હી કેપિટલ્સને સાત વિકેટથી હરાવ્યું. કોલકાતાને બેટિંગમાં તેમના આક્રમક અભિગમથી ફાયદો થયો છે પરંતુ બોલિંગમાં સુધારાની ખાસ જરૂર છે. મિચેલ સ્ટાર્ક 12 પ્રતિ ઓવરના દરે રન આપી રહ્યો છે અને તેને માત્ર સાત વિકેટ મળી છે. ઓસ્ટ્રેલિયાનો આ ફાસ્ટ બોલર બેટિંગ પીચ પર કઈ જ કમાલ કરી શક્યો નથી. હર્ષિત રાણાએ સૌથી વધુ 11 વિકેટ લીધી છે પરંતુ દિલ્હીના અભિષેક પોરેલની વિકેટ પર આક્રમક ઉજવણી કરવા બદલ તેના પર એક મેચ માટે પ્રતિબંધ મૂકવામાં આવ્યો છે. વૈભવ અરોરાએ પાંચ મેચમાં નવ વિકેટ લીધી છે. વાનખેડે સ્ટેડિયમ તેની બેટિંગ ફ્રેન્ડલી પિચ માટે પ્રખ્યાત છે અને તેના પર 200થી વધુનો સ્કોર નિશ્ચિત છે.
બંને ટીમની પ્લેઈંગ 11 આવી હોઈ શકે
KKR:
ફિલ સોલ્ટ (WK), સુનીલ નારાયણ, અંગક્રિશ રઘુવંશી, શ્રેયસ ઐયર(C), વેંકટેશ ઐયર, રિંકુ સિંહ, આન્દ્રે રસેલ, રમનદીપ સિંહ, દુષ્મંથા ચમીરા/મિશેલ સ્ટાર્ક, વરુણ ચક્રવર્તી, વૈભવ અરોરા.
MI:
ઈશાન કિશન (WK), રોહિત શર્મા, સૂર્યકુમાર યાદવ, તિલક વર્મા, હાર્દિક પંડ્યા (C), નેહલ વાઢેરા, ટિમ ડેવિડ, મોહમ્મદ નબી, પીયૂષ ચાવલા, ગેરાલ્ડ કોએત્ઝી/લ્યુક વુડ, જસપ્રિત બુમરાહ.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
TV13 Web : http://www.tv13gujarati.com/
