રાજ્યમાં ભર ઉનાળે ચોમાસા જેવો માહોલ, જાણો ક્યાં-ક્યાં પડ્યો કમોસમી વરસાદ
હવામાન વિભાગની આગાહી અનુસાર કચ્છ, બનાસકાંઠા, સાબરકાંઠા, અરવલ્લી, મહીસાગર, દાહોદમાં સામાન્ય વરસાદની આગાહી આપવામાં આવી છે. આવતીકાલે કચ્છ, બનાસકાંઠા અને સાબરકાંઠામાં સામાન્ય છૂટાછવાયા હળવા વરસાદની આગાહી કરવામાં આવી છે.
X
એક તરફ રાજ્યમાં ગરમીનો પારો સતત વધી રહ્યો છે. બીજી તરફ રાજ્યમાં અનેક જગ્યાએ વાતાવરણમાં પલટો આવ્યો છે. રાજ્યમાં અમદાવાદ, બનાસકાંઠા, કચ્છ સહિતના વિસ્તારમાં વરસાદ પડ્યો છે.
રાજ્યમાં ઉનાળામાં ચોમાસા જેવો માહોલ સર્જાયો છે. આજે રાજ્યમાં કચ્છ, દ્વારકા, સાબરકાંઠા અને અમરેલી જિલ્લામાં વરસાદ ખાબક્યો હતો. ગઇકાલથી શરૂ થયેલો વરસાદ આજે પણ કચ્છમાં પડ્યો હતો, આજે સતત બીજા દિવસે કચ્છમાં વરસાદ પડ્યો, જિલ્લામાં રાપર અને અંજાર તાલુકામાં ધોધમાર વરસાદ ખાબક્યો હતો.
કેરીનાં પાકને થઈ શકે છે નુકશાન
ગઇકાલે અમરેલી જિલ્લામાં વરસાદનો માહોલ હતો ત્યારે આજે અમરેલી જિલ્લામાં પણ સતત બીજા દિવસે વરસાદ ખાબક્યો હતો. જિલ્લામાં ધારી ગીરના ગ્રામ્ય વિસ્તારોમાં માવઠું થયુ, જેમાં ખાસ કરીને દલખાણીયા, આંબાગાળા, પાણીયા, મીઠાપુરમાં વરસાદ પડ્યો હતો, કમોસમી વરસાદથી કેરીના પાકને નુકસાનીની ભીતી સેવાઇ રહી છે. ત્યારે જુનાગઢ જિલ્લામાં પણ કમોસમી વરસાદે ખેડૂતોની ચિંતા વધારી છે.
અમદાવાદમાં વરસાદ
અમદાવાદના વિવિધ વિસ્તારોમાં અચનાક જ બપોરના સમયે વાતાવરણમાં પલટો આવતાં વરસાદ શરૂ થયો છે. આ દરમિયાન એસજી હાઈવે, ગોતા, વંદેમાતરમ, રાણીપ વિસ્તારોમાં જોરદાર વરસાદ શરૂ થયો છે. રાજ્યના અનેક વિસ્તારોમાં વાદળછાયું વાતાવરણ સર્જાયુ છે. આ સાથે કેટલાક વિસ્તારોમાં કમોસમી વરસાદ વરસ્યો છે.
ભાવનગરમાં વરસાદ
ભાવનગર જિલ્લાના ગારિયાધારના વાતાવરણમાં પલટો જોવા મળ્યો છે. ગારીયાધાર તાલુકાના ગ્રામ્ય વિસ્તારોમાં બપોર બાદ વાતાવરણમાં પલટો આવ્યો કડાકા ભડાકા સાથે ગારીયાધારના ગ્રામ્ય વિસ્તારમાં વરસાદી ઝાપટાં પડ્યા છે. ટીબા ,સુખપર , મોટીવાવડી ,માનપુર ,ખારડી ,સીતાપુર ,પાનસડા જાળીયા ,માંડવી સહિત ગામોમાં વરસાદી ઝાપટા પડયા
મહેસાણામાં વરસાદ
મહેસાણા જિલ્લામાં વાતાવરણમાં પલટા બાદ કમોસમી વરસાદ શરૂ થયો છે. ધીમીધારે મહેસાણા શહેર અને જિલ્લામાં વરસાદ વરસ્યો છે. કમોસમી વરસાદને પગલે વાતાવરણમાં ઠંડક પ્રસરી છે.
બે દિવસ વરસાદની આગાહી
હવામાન વિભાગની આગાહી અનુસાર કચ્છ, બનાસકાંઠા, સાબરકાંઠા, અરવલ્લી, મહીસાગર, દાહોદમાં સામાન્ય વરસાદની આગાહી આપવામાં આવી છે. આવતીકાલે કચ્છ, બનાસકાંઠા અને સાબરકાંઠામાં સામાન્ય છૂટાછવાયા હળવા વરસાદની આગાહી કરવામાં આવી છે.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https://whatsapp.com/channel/0029Va5h...
TV13 Web : http://www.tv13gujarati.com/
