સ્પેનના એરપોર્ટ પર વિમાનમાં ફાયર એલાર્મ વાગતા મુસાફરોએ લગાવી છલાંગ, 18 લોકો ઇજાગ્રસ્ત, જુઓ Video
X
સ્પેનના પાલ્મા ડી મેલોર્કા એરપોર્ટ પર પાર્ક કરેલા વિમાનમાં આગ લાગવાની ચેતવણી આપવામાં આવતાં અંધાધૂંધી મચી ગઈ હતી. રાયનએરના બોઇંગ 737 વિમાનમાં આગ લાગવાની માહિતી મળતાં જ મુસાફરો પોતાનો જીવ બચાવવા માટે બહાર દોડવા લાગ્યા. આ ઘટનામાં 18 લોકો ઘાયલ થયા હોવાના અહેવાલ છે. આ ઘટના શનિવારે બની હતી, વિમાન માન્ચેસ્ટર જવા માટે ઉડાન ભરવાનું હતું.
વિમાનમાં ફાયર એલાર્મ વાગતા મુસાફરોમાં દોડધામ
મળતી માહિતી મુજબ, આગ લાગવાની જાણ ઇમરજન્સી વિભાગને કરવામાં આવી હતી અને બચાવ ટીમ તાત્કાલિક ઘટનાસ્થળે પહોંચી ગઈ હતી. આ પછી, મુસાફરોને ઇમરજન્સી એક્ઝિટમાંથી બહાર કાઢવાની પ્રક્રિયા શરૂ કરવામાં આવી હતી, પરંતુ આ દરમિયાન ગભરાટમાં આવેલા કેટલાક મુસાફરો પોતાને બચાવવા માટે વિમાનની પાંખ પર ઉતર્યા અને ત્યાંથી સીધા જમીન પર છલાંગ લગાવા લાગ્યા હતા.
વિમાનમાંથી છલાંગ લગાવતા 18 મુસાફરો ઘાયલ
સમગ્ર ઘટનામાં 18 મુસાફરો ઘાયલ થયા હતા, જેમને હોસ્પિટલમાં લઈ જવામાં આવ્યા હતા. આ ઘટનાનો એક વીડિયો પણ સામે આવ્યો છે, જે સોશિયલ મીડિયા પર વાયરલ થઈ રહ્યો છે. વીડિયોમાં મુસાફરો ગભરાટમાં અહીં-ત્યાં દોડતા જોઈ શકાય છે. કેટલાક મુસાફરો વિમાનની પાંખ પરથી સીધા જમીન પર કૂદતા જોઈ શકાય છે.
એરલાઇને બાદમાં ઘટનાની પુષ્ટિ કરતા કહ્યું કે 4 જુલાઈના રોજ પાલ્માથી માન્ચેસ્ટર જતી ફ્લાઇટમાં ખામીયુક્ત આગ ચેતવણી લાઇટને કારણે ટેકઓફ રદ કરવી પડી હતી. "મુસાફરોને સ્લાઇડ્સનો ઉપયોગ કરીને બહાર કાઢવામાં આવ્યા હતા અને ટર્મિનલ પર પાછા લાવવામાં આવ્યા હતા. 18 મુસાફરો ઘાયલ થયા હતા, જેમાંથી 6ને હોસ્પિટલમાં લઈ જવામાં આવ્યા હતા. રાયનએરે માહિતી આપી હતી કે આ ઘટના પછી મુસાફરોને થતી અસુવિધા ઓછી કરવા માટે, અમે બીજા વિમાનની વ્યવસ્થા કરી. વિમાન સવારે મુસાફરો સાથે રવાના થયું છે.
FOLLOW US ON SOCIAL MEDIA PLATFORM
TV13 Web : http://www.tv13gujarati.com/
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https: //whatsapp.com/channel/
WhatsApp Group : https://chat.whats
app.com/L1eF5HL2qu51EIqrPVyoHB
