5 વર્ષમાં પહેલી વાર રેપો રેટમાં થઇ શકે છે ઘટાડો, 5 ફેબ્રુઆરીથી RBI ની MPC બેઠક થશે શરૂ
RBI પાંચ વર્ષમાં પહેલી વાર રેપો રેટમાં ઘટાડો કરી શકે છે. વિશ્લેષકો માને છે કે 7 ફેબ્રુઆરીએ થનારી જાહેરાતમાં કેન્દ્રીય બેંક આ અંગે નિર્ણય લઈ શકે છે. નવા ગવર્નર સંજય મલ્હોત્રા તેમની પ્રથમ MPC બેઠકની અધ્યક્ષતા કરશે.
X
RBI મોનેટરી પોલિસી કમિટી એટલેકે MPCની બેઠક 5-7 ફેબ્રુઆરી દરમિયાન યોજાશે. વિશ્લેષકોનું માનવું છે કે વપરાશ આધારિત માંગને વધારવા માટે કેન્દ્રીય બેંક રેપો રેટ ઘટાડવાનો નિર્ણય લઈ શકે છે. છેલ્લા મોટા ભાગના સમયગાળા દરમિયાન છૂટક ફુગાવો RBIના 6 ટકાના લક્ષ્યાંકની અંદર રહ્યો હતો. આવી સ્થિતિમાં, સુસ્ત વપરાશથી પ્રભાવિત આર્થિક વૃદ્ધિને વેગ આપવા માટે રેપો રેટમાં ઘટાડો કરવામાં આવી શકે છે.
ICRA ના ચીફ ઇકોનોમિસ્ટ અદિતિ નાયરે કહ્યું, અમારું માનવું છે કે આ વખતે રેપો રેટમાં ઘટાડાની તરફેણમાં વલણ છે. RBI એ ફેબ્રુઆરી, 2023 સુધી રેપો રેટ 6.5 ટકા પર યથાવત રાખ્યો છે. કોરોના સમયગાળા દરમિયાન રાહત આપવા માટે દરોમાં સતત ઘટાડો કરવામાં આવ્યો હતો અને પછી તેને ધીમે ધીમે 6.5 ટકા સુધી વધારવામાં આવ્યો હતો.
બેંક ઓફ બરોડાના મુખ્ય અર્થશાસ્ત્રી મદન સબનવીસે જણાવ્યું હતું કે, આ વખતે બે કારણોસર દરમાં ઘટાડો થવાની શક્યતા છે. પ્રથમ, RBI દ્વારા પ્રવાહિતા વધારવાના પગલાંની જાહેરાતને કારણે બજારની સ્થિતિમાં સુધારો થયો છે. ૨૭ જાન્યુઆરીના રોજ, જાહેરાત કરવામાં આવી હતી કે બેંકિંગ સિસ્ટમમાં ૧.૫ લાખ કરોડ રૂપિયા રોકડ ઠાલવવામાં આવશે. આ પણ દર ઘટાડા માટે એક શરત હતી. બીજું, બજેટમાં પ્રોત્સાહન પૂરું પાડવામાં આવ્યું છે અને તેને ટેકો આપવા માટે રેપો રેટ ઘટાડવો યોગ્ય રહેશે. રાષ્ટ્રીય આંકડાકીય કાર્યાલયે GDP વૃદ્ધિ દર 6.4% હોવાનો અંદાજ મૂક્યો હોવાથી આપણે વૃદ્ધિ આગાહીમાં ફેરફારની અપેક્ષા રાખી શકીએ છીએ.
