ભારત અને પાકિસ્તાન વચ્ચે તણાવની સ્થિતિ વચ્ચે ગુજરાતના સરહદી જિલ્લાઓમાં સુરક્ષા વ્યવસ્થા કડક કરી દેવામાં આવી છે. મરિન પોલીસ દ્વારા પણ દરિયાઈ વિસ્તારમાં ચાંપતી નજર રાખવામાં આવી રહી છે. કોઈપણ પ્રકારની શંકાસ્પદ હરકતને તરત જ દબાવી શકાય તે માટે તમામ એજન્સીઓ એલર્ટ પર રાખવામાં આવી છે.

ભરૂચ જિલ્લામાં દેશના સૌથી મોટા કેમિકલ ક્લસ્ટર સહિત દહેજ પોર્ટ પર સુરક્ષા વધારવામાં આવી છે. ભરૂચ જિલ્લાના મહત્વના સ્થળો અને વાઈટલ ઇન્સ્ટોલેશન્સની સુરક્ષા વ્યવસ્થામાં પણ વધારો થયો છે. સમુદ્ર કિનારાના ત્રણ તાલુકાઓના પોલીસ સ્ટેશનોની ટીમોએ સમુદ્ર કાંઠે સતત પેટ્રોલિંગ શરૂ કરાઈ રહી છે. મરિન પોલીસ દ્વારા પણ દરિયાઈ વિસ્તારમાં ચાંપતી નજર રાખવામાં આવી રહી છે. અધિકારીઓના જણાવ્યા પ્રમાણે કોઈપણ પ્રકારની શંકાસ્પદ હરકતને તરત જ દબાવી શકાય તે માટે તમામ એજન્સીઓ એલર્ટ પર રાખવામાં આવી છે.આ સાથે સાયબર ક્રાઇમ પોલીસ દ્વારા સોશ્યલ મીડિયા પર પણ વિશેષ ધ્યાન આપવામાં આવી રહ્યું છે. સોશિયલ મીડિયા પર દેશદ્રોહને લગતી તેમજ ઉશ્કેરની જનક પોસ્ટ કરનાર સામે પોલીસ દ્વારા કાર્યવાહી કરવામાં આવશે.

ભારત અને પાકિસ્તા વચ્ચે સર્જાયેલી યુદ્ધની સ્થિતિને લઈ તંત્ર એલર્ટ થઈ ગયુ છે. અમરેલી જિલ્લામાં દરિયાઈ કોસ્ટલ બેલ્ટ એલર્ટ કરી દેવાયો છે. જાફરાબાદ બંદર પર દરિયો ન ખેડવા સૂચના અપાઈ છે. મધદરિયામાંથી માછીમારોને પરત બોલાવ્યા છે. કોસ્ટલ બેલ્ટમાં 2 ચેકપોસ્ટ શરૂ કરાઈ છે. ચેકપોસ્ટ ઉપર પીપાવાવ મરીન દ્વારા વાહન ચેકીંગ કરાશે. 

સુરત પોલીસ કમિશનર દ્વારા બેઠકનું આયોજન કરવામાં આવ્યું છે. સુરત હજીરા વિસ્તારમાં આવેલી ઇન્ડસ્ટ્રીને લઈ પોલીસ કમિશનર દ્વારા બેઠક બોલાવી હતી. હજીરા ઇન્ડસ્ટ્રીમાં આવેલી કંપનીઓના સિક્યોરિટી હેડ સાથે મિટિંગ કરવામાં આવી છે. સુરતના દરિયાઈ કિનારે સુરક્ષા વ્યવસ્થામાં વધારો કરવામાં આવ્યો છે. ઇન્ડસ્ટ્રી વિસ્તાર હથિયાર સાથે પોલીસ જવાનોનો સતત પેટ્રોલિંગ વધારો કરવામાં આવ્યો છે.  મોટી મોટી કંપનીઓની સિક્યોરિટી માટે મહત્વના મુદાઓ બાબતે ચર્ચા કરવામાં આવશે.