લાઈવ કોન્સર્ટમાં દર્દથી કણસી ઊઠ્યો સોનુ નિગમ, સ્ટેજ પર પર્ફોર્મ કરતા સમયે અચાનક ઊપડ્યો દુખાવો

બોલિવૂડ ગાયક સોનુ નિગમે પોતાની કરિયરમાં ઘણાં શાનદાર ગીતો આપ્યાં છે. સોનુ પોતાના પ્રોફેશનલ લાઈફ ઉપરાંત પોતાના અંગત જીવનને કારણે પણ ચર્ચામાં રહે છે. હાલમાં સિંગરે પોતાનો એક વીડિયો શેર કર્યો છે, જેમાં તે પોતાના સ્વાસ્થ્ય વિશે વાત કરતો જોવા મળે છે.

image
X
તાજેતરમાં એક લાઈવ પર્ફોર્મન્સ દરમિયાન સોનુની તબિયત બગડી હતી. તેને લાઈવ કોન્સર્ટમાં કમરના ભાગમાં જોરદાર દુખાવો ઊપડ્યો હતો. આવી સ્થિતિમાં, સોનુ નિગમે એક વીડિયો પોસ્ટથી સમગ્ર ઘટના વિશે માહિતી આપી છે. સોનુ નિગમે ઓફિશિયલ ઇન્સ્ટાગ્રામ એકાઉન્ટ પર એક વીડિયો પોસ્ટ કર્યો છે. આ વીડિયોમાં સોનુ બેડ પર સૂતો છે. આ વીડિયોમાં સોનુના ચહેરા પર દુખાવો સ્પષ્ટ દેખાય છે. સિંગર લાઇવ પર્ફોર્મન્સ દરમિયાન પોતાની અગ્નિપરીક્ષાનું વર્ણન કરતો જોવા મળે છે. તેણે કહ્યું કે, મારા જીવનનો સૌથી મુશ્કેલ દિવસ પણ સેટિસ્ફેક્શન આપનારો હતો. હું ગાતો હતો, અને ઊછળકૂદ કરતો હતો, જેના કારણે મારી કમર જકડાઈ ગઈ, પણ મેં કોઈક રીતે તેને કાબૂમાં રાખી. હું ક્યારેય લોકોની અપેક્ષા કરતાં ઓછું આપવા માગતો નથી. માટે મેં મારું બેસ્ટ આપવાનો પ્રયાસ કર્યો.

'સરસ્વતીજીએ મારો હાથ પકડ્યો'
સોનુ નિગમે આગળ કહ્યું, 'પણ તે ખૂબ જ અસહનીય હતો, એવું લાગ્યું કે જાણે મારી કરોડરજ્જુમાં સોય વીંધાઈ ગઈ હોય, તે થોડી પણ હલતી નહોતી. આ વીડિયો શેર કરતી વખતે સોનુએ કેપ્શનમાં લખ્યું, સરસ્વતીજીએ રવિવારે રાત્રે મારો હાથ પકડ્યો હતો. આ સાથે તેણે હાથ જોડેલા ઇમોજી પણ શેર કર્યા હતા. સોનુ નિગમનો આ વીડિયો સોશિયલ મીડિયા પર વાઈરલ થઈ રહ્યો છે. આના પર કોમેન્ટ્સ કરીને, યુઝર્સ સોનુ માટે ચિંતા વ્યક્ત કરી રહ્યા છે. ઉપરાંત, ચાહકો સોનુના ઝડપથી સ્વસ્થ થવા માટે પ્રાર્થના કરી રહ્યા છે.

સિંગરે તેની કરિયરમાં લગભગ 320 ફિલ્મો માટે ગીતો ગાયાં છે
'તેરા મિલના પલ દો પલ કા', 'યે દિલ દિવાના' 'દિવાના તેરા', 'અભી મુઝ મે કહી'જેવાં અનેક સુપરહિટ ગીતો ગાયાં છે. સોનુ નિગમે તેની 3 દાયકાની કરિયરમાં લગભગ 320 ફિલ્મો માટે ગીતો ગાયાં છે. તેને અત્યાર સુધીમાં બે વખત ફિલ્મફેર એવોર્ડથી સન્માનિત કરવામાં આવ્યો છે. સોનુને ફિલ્મ 'કલ હો ના હો' ના ટાઈટલ ટ્રેક માટે નેશનલ ફિલ્મ એવોર્ડ પણ મળ્યા છે.

Recent Posts

બોલીવુડ ફેમસ મ્યુઝિક ડાયરેક્ટર પ્રીતમની ઓફિસમાં થઇ ચોરી, 40 લાખ લઇ ચોર ફરાર

આ બોલિવૂડ અભિનેતાની પત્ની કેન્સરની પીડાથી પીડાઈ, કહ્યું- તેના માતાપિતાએ તેની સાથે વાત કરવાનું બંધ કરી દીધું હતું

આ બોલિવૂડ અભિનેતાએ ખરીદી અનોખી બાઇક, બન્યા પહેલા સેલિબ્રિટી

અક્ષય કુમાર-તબ્બુની ફિલ્મ ભૂત બાંગ્લામાં અદ્ભુત શાસ્ત્રીય નૃત્ય હશે

સામંથા રૂથ પ્રભુથી છૂટાછેડાના 4 વર્ષ પછી નાગા ચૈતન્યએ મોન તોડ્યું...

પ્રખ્યાત લોક ગાયિકા ગીતા રબારીએ પરિવાર સાથે મહાકુંભમાં લગાવી આસ્થાની ડૂબકી

સલમાન ખાનના ફાર્મ હાઉસ પર હુમલો કરનાર આરોપીને મળ્યા જામીન

અક્ષય કુમારએ તેનું વોરલીમાં આવેલું લક્ઝ્રરી એપાર્ટમેંટ 80 કરોડમાં વેચ્યું

એપિક વન-લાઈનર્સથી લઈને નેક્સ્ટ-લેવલ એક્શન સુધી, વાંચો Badass Ravi Kumarનો રિવ્યૂ

સોનુ સૂદનું કયા કેસમાં ધરપકડ વોરંટ જારી કરવામાં આવ્યું, જાણો શું છે સમગ્ર મામલો