અમદાવાદના એરપોર્ટ પોલીસને મળેલી માહિતીના આધારે 28 ઓક્ટોબર 2024 ના રોજ સરદાર વલ્લભભાઈ પટેલ ઇન્ટરનેશનલ એરપોર્ટ ટર્મિનલ 2 અરાઇવલ ગેટની બહારથી એરપોર્ટ પોલીસે સરફરાજ વડગામા, શોએબ બિચારા, અપીલ મોવાણા, નદીમ અમરેલીયા, ફરહાન શેખ, સહેજ મિયાણા અને મનીષા ખરાડીની ધરપકડ કરી હતી. જેઓની તપાસ કરતાં તેઓની પાસેથી ગેરકાયદેસર રીતે હાઇબ્રીડ ગાંજાનો જથ્થો 7.05 કિલો મળી આવ્યો હતો. અંદાજે 2.10 કરોડની કિંમતના હાઇબ્રીડ ગાંજા સાથે આરોપીઓને પકડીને પોલીસે ગુનો દાખલ કર્યો હતો. 

એરપોર્ટ પોલીસે ગુનો દાખલ કરી આરોપીઓની પ્રાથમિક પૂછપરછ કરતા સામે આવ્યું હતું કે ચાર આરોપીઓ વિયેતનામથી હાઇબ્રીડ ગાંજો લઈ આવ્યા હતા. જે ચારેય આરોપી જૂનાગઢનાં રહેવાસી છે. સરફરાજ વડગામા મુસ્લિમ, શોયેબ બિચારા મુસ્લિમ, અકીલ કોલાદ અને નદીમ અમરેલીયા મુસ્લિમ વિયેતનામથી 7.05 કિલો હાઇબ્રીડ ગાંજો લઈને આવ્યા હતા. ચારેય આરોપીને સરખેજના મોહમ્મદ ફરહાન શેખ દ્વારા વિયેતનામ મોકલવામાં આવ્યા હતા. આરોપીઓને એક ટ્રીપનાં 10 હજાર આપી અને ફરવા માટેની ઓફર આપી હતી. વિયેતનામ એરપોર્ટ પરથી એક બેગ લઈને અમદાવાદ એરપોર્ટ લાવવાના 10 હજાર નક્કી કર્યા હતા.