સગી બહેનને પસંદ ન કરી પિતરાઈ બહેન સાથે લગ્ન કરનાર યુવક સાથે બદલો લેવા ફોટોગ્રાફર બન્યો ગુનેગાર, લગ્નના ફોટો એડિટ કરી કર્યું આ કાંડ
આરોપી આકાશ ચુનારાની બહેનની સગાઈની વાત જે યુવક એટલે કે આ કિસ્સામાં ફરિયાદી સાથે હતી, તેને આરોપીની કાકાની દિકરી ગમી જતા તેની સાથે સગાઈ અને લગ્ન કરી લીધા. જે વાતનુ આરોપી આકાશને લાગી આવ્યું હતું અને બદલો લેવાની ફિરાકમાં હતો. આકાશ પોતે ફોટોગ્રાફર હોય તેણે ફરિયાદીના લગ્ન તેની કૌટુંબિક બહેન સાથે જ થયા હોવાથી ફોટોગ્રાફિનો ઓર્ડર લઈ ફોટો પાડ્યા હતા.
X
ભાવેશસિંહ રાજપુત, અમદાવાદ/ અમદાવાદના ઓઢવ વિસ્તારમાં એક યુવકે પોતાની સગી બહેન સાથે સગાઈ ન કરનાર યુવકને પાઠ ભણાવવા ગુનાહિત કૃત્ય કર્યું હોવાની ઘટના બની છે. પોતાની બહેનની સાથે સગાઈ ન કરીને એક યુવકે આરોપીની કાકાની દિકરી સાથે સગાઈ કરી હતી. જે બાબતની અદાવત રાખીને આકાશ ચુનારા નામનાં યુવકે તે યુવકના પરિવારજનોના ફોટો મેળવી તેને વાંધાજનક રીતે એડિટ કરી વાયરલ કર્યા હતા. આ મામલે ફરિયાદ નોંધાતા પોલીસે આરોપી આકાશ ચુનારાની ધરપકડ કરી છે.
આરોપી આકાશ ચુનારાની બહેનની સગાઈની વાત જે યુવક એટલે કે આ કિસ્સામાં ફરિયાદી સાથે હતી, તેને આરોપીની કાકાની દિકરી ગમી જતા તેની સાથે સગાઈ અને લગ્ન કરી લીધા. જે વાતનુ આરોપી આકાશને લાગી આવ્યું હતું અને બદલો લેવાની ફિરાકમાં હતો. આકાશ પોતે ફોટોગ્રાફર હોય તેણે ફરિયાદીના લગ્ન તેની કૌટુંબિક બહેન સાથે જ થયા હોવાથી ફોટોગ્રાફિનો ઓર્ડર લઈ ફોટો પાડ્યા હતા. જે બાદ ફરિયાદીની પત્ની અને તેના પરિવારજનોના ફોટા વાંધાજનક રીતે એડિટ કર્યા અને અલગ અલગ ફેક ઈન્સ્ટાગ્રામ એકાઉન્ટ બનાવી વાયરલ કર્યા હતા.
ઓઢવ પોલીસ સ્ટેશનમાં ફરિયાદ નોંધાતા પોલીસે તપાસ કરતા અંતે આરોપીની ધરપકડ કરી વધુ તપાસ હાથ ધરી છે. આરોપીઓ કેટલા ફોટો મોર્ફ કર્યા અને કઈ કઈ આઈડીથી વાયરલ કર્યા તે તમામ દિશામાં પોલીસે તપાસ હાથ ધરી છે. આરોપીએ જે ફોટો વાયરલ કર્યા હતા તેમાં તેની પિતરાઈ બહેન પણ હોય હાલ તો પોલીસે આરોપીની વધુ પુછપરછ શરૂ કરી છે.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https://whatsapp.com/channel/0029Va5h5lFLikgFQ1gJxZ2U
WhatsApp Group : https://chat.whatsapp.com/L1eF5HL2qu51EIqrPVyoHB
TV13 Web : http://www.tv13gujarati.com/
