ઈસ્તાંબુલમાં દર્દનાક ઘટના, નાઈટ ક્લબમાં આગ લાગતા 29 લોકોના મોત; ઘણા ગંભીર
તુર્કીના સૌથી મોટા શહેર ઈસ્તાંબુલમાં એક નાઈટ ક્લબમાં આગ લાગવાથી ઓછામાં ઓછા 29 લોકોના મોત થયા છે. આ મામલે ક્લબ મેનેજરની અટકાયત કરવામાં આવી છે.
X
તુર્કીના સૌથી મોટા શહેર ઈસ્તાંબુલમાં એક નાઈટ ક્લબમાં મોટો અકસ્માત થયો છે. અહીં રિનોવેશનના કામ દરમિયાન લાગેલી આગમાં ઓછામાં ઓછા 29 લોકોના મોત થયા હતા. આ સિવાય અનેક લોકો ગંભીર રીતે ઘાયલ થયા છે. આ કેસમાં ક્લબ મેનેજર સહિત પાંચ લોકોની અટકાયત કરવામાં આવી છે.
સ્થાનિક મીડિયા અનુસાર, રાજ્યપાલ કાર્યાલય દ્વારા જારી કરવામાં આવેલા નિવેદનમાં કહેવામાં આવ્યું છે કે હોસ્પિટલમાં માત્ર એક જ વ્યક્તિની સારવાર કરવામાં આવી રહી છે. વાસ્તવમાં માસ્કરેડ નાઇટ ક્લબ ઘણા દિવસોથી બંધ હતી. બિલ્ડિંગમાં રિનોવેશનનું કામ ચાલી રહ્યું હતું. આ નાઈટ ક્લબ 16 માળની ઈમારતના ભોંયરામાં હતી. રાજ્યપાલે કહ્યું કે આગના કારણની તપાસ કરવામાં આવી રહી છે. મૃત્યુ પામેલા લોકોમાં મોટાભાગના એવા હતા જેઓ નવીનીકરણના કામમાં રોકાયેલા હતા.
5 લોકોની ધરપકડ માટે વોરન્ટ
તુર્કીના ન્યાય મંત્રી યિલમાઝ તુનાકે X પર આ માહિતી આપી છે. તેમણે કહ્યું છે કે પાંચ લોકોની ધરપકડ માટે વોરંટ જારી કરવામાં આવ્યું છે. જેમાં નાઇટ ક્લબ મેનેજમેન્ટના ત્રણ લોકો અને કન્સ્ટ્રક્શન સાથે સંકળાયેલ એક વ્યક્તિનો સમાવેશ થાય છે.
