કેન્દ્રીય ગૃહ મંત્રી અમિત શાહ આજે બપોરે આવશે રાજકોટ, વિજય રૂપાણીની અંતિમ વિધિમાં આપશે હાજરી
X
ગુજરાતના પૂર્વ મુખ્યમંત્રી વિજય રૂપાણીના પાર્થિવ દેહને આજે સવારે 11:30 વાગ્યે પરિવારજનોને સંપવામાં આવશે. અમદાવાદ સિવિલ હોસ્પિટલથી પાર્થિવ દેહને એરપોર્ટ પર લઇ જવાશે. અમદાવાદથી હવાઇ માર્ગે રાજકોટ લઇ જવામાં આવશે. રાજકોટ ખાતે પાર્થિવ દેહને દર્શન માટે રાખવામાં આવશે. ત્યારબાદ સાંજે 5 વાગ્યે તેમની અંતિમયાત્રા નીકળશે. રાજકીય સન્માન સાથે પૂર્વ મુખ્યમંત્રી વિજય રૂપાણીના અંતિમ સંસ્કાર કરવામાં આવશે. જેમાં કેન્દ્રીય ગૃહમંત્રી અમિત શાહ પણ હાજર રહેશે. આ ઉપરાંત ખ્યમંત્રી ભુપેન્દ્ર પટેલ , પ્રદેશ પ્રમુખ સી આર પાટીલ અને કેબિનેટ મંત્રીઓ પણ અંતિમ વિધિમાં જોડાશે. બિહાર ભાજપના પ્રભારી ભીખુભાઈ દલસાણીયા પણ અંતિમ સંસ્કાર માટે રાજકોટ આવી પહોંચ્યા છે.
પૂર્વ મુખ્યમંત્રી વિજય રૂપાણીનું 12 જૂનના રોજ અમદાવાદમાં વિમાન દુર્ઘટનામાં અવસાન થયું હતું. ઉપરાંત, વહીવટીતંત્રે જણાવ્યું હતું કે, અત્યાર સુધીમાં 92 મૃતદેહોની ઓળખ થઈ ગઈ છે, જેમાંથી 47 મૃતદેહો તેમના પરિવારને સોંપવામાં આવ્યા છે.
પ્રાપ્ત માહિતી અનુસાર પૂર્વ મુખ્યમંત્રી વિજય રૂપાણીનો પરિવાર તેમના મૃતદેહને અમદાવાદથી હવાઈ માર્ગે રાજકોટ લઈ જશે, જ્યાં તેમના મૃતદેહને લગભગ એક કલાક માટે અંતિમ દર્શન માટે રાખવામાં આવશે. ત્યારબાદ, સાંજે લગભગ પાંચ વાગ્યે રાજકીય સન્માન સાથે તેમના અંતિમ સંસ્કાર કરવામાં આવશે.
DNA દ્વારા ઓળખ
વિજય રૂપાણીના પરિવારે તેમના મૃતદેહની ઓળખ માટે ડીએનએ નમૂના આપ્યા હતા. 15 જૂને સવારે 11.10 વાગ્યે, તેમના ભત્રીજા અનિમેષ રૂપાણીના નમૂના સાથે DNA મેચ કરવામાં આવ્યો હતો, જેનાથી તેમની ઓળખ પુષ્ટિ થઈ હતી. પૂર્વ મુખ્યમંત્રીના મૃતદેહને AI100 નંબર આપવામાં આવ્યો છે. અમદાવાદ સિવિલ સ્થિત પોસ્ટમોર્ટમ રૂમમાં પહોંચેલા ગુજરાતના આરોગ્ય મંત્રી ઋષિકેશ પટેલ અને કેબિનેટ મંત્રી જગદીશ વિશ્વકર્માએ ભૂતપૂર્વ મુખ્યમંત્રી વિજય રૂપાણીના ડીએનએ મેચ થયાની માહિતી આપી હતી.
12 જૂનના રોજ અમદાવાદથી લંડન જઈ રહેલું એર ઈન્ડિયાનું વિમાન ટેકઓફ થયાની થોડી મિનિટો પછી ક્રેશ થયું હતું અને એરપોર્ટ નજીક સ્થિત બીજે મેડિકલ કોલેજની ઇમારત સાથે અથડાયું હતું. આ અકસ્માતમાં અત્યાર સુધીમાં 260 થી વધુ લોકોએ જીવ ગુમાવ્યા છે. આ વિમાનમાં કુલ 242 લોકો સવાર હતા, જેમાં 230 મુસાફરો, 10 ક્રૂ મેમ્બર અને બે પાયલોટનો સમાવેશ થાય છે. વિમાનમાં એક મુસાફર સિવાય બધા લોકોના મોત થયા છે.
92 મૃતદેહોની ઓળખ થઈ ગઈ છે
અમદાવાદ વહીવટીતંત્રે જણાવ્યું હતું કે વિમાન દુર્ઘટના કેસમાં અત્યાર સુધીમાં 92 મૃતદેહોની ઓળખ થઈ છે, જેમાંથી 47 મૃતદેહો તેમના સંબંધીઓને સોંપવામાં આવ્યા છે. વહીવટીતંત્રે જણાવ્યું હતું કે 13 મૃતકોના સંબંધીઓ પોસ્ટમોર્ટમ માટે હાજર છે, જેમને ટૂંક સમયમાં તેમના સંબંધીઓના મૃતદેહ સોંપવામાં આવશે. 8 સંબંધીઓને લગભગ 12 વાગ્યે બોલાવવામાં આવ્યા છે. જ્યારે 12 સંબંધીઓ નક્કી કરશે કે તેઓ તેમના સંબંધીઓના મૃતદેહ ક્યારે લેશે. એક કરતાં વધુ સંબંધીઓને ગુમાવનારા 12 સંબંધીઓની ઓળખ અન્ય સંબંધીઓના ડીએનએ નમૂનાઓ સાથે મેચ કર્યા પછી કરવામાં આવશે.
FOLLOW US ON SOCIAL MEDIA PLATFORM
TV13 Web : http://www.tv13gujarati.com/
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https: //whatsapp.com/channel/
WhatsApp Group : https://chat.whats
