નવી દિલ્હી બેઠક પરથી AAPના સંયોજક અરવિંદ કેજરીવાલ ચૂંટણી લડ્યા હતા. તેમની સામે ભાજપના નેતા પ્રવેશ વર્મા ઉભા રહ્યા હતા. તેમણે કેજરીવાલને કારમી હાર આપી છે. તેના કારણે દિલ્હીમાં તેમજ સોશિયલ મીડિયામાં ભારે ચર્ચા થઈ રહી છે. ANI સાથે વાત કરતા પ્રવેશ વર્માએ જણાવ્યું છે કે હું નવી દિલ્હીના મતદારોનો આભાર માનું છું. દિવસ રાત મહેનત કરનાર લાખો કાર્યકરોનું હું આભાર માનું છું. હું નરેન્દ્ર મોદીનો પણ આભાર માનું છું કારણ કે આ જીત વાસ્તવિક રીતે એમની છે કારણે કે દિલ્હીના લોકોએ એમના પર વિશ્વાસ મૂક્યો છે. જેપી નડ્ડા અને અમિત શાહનો પણ આભાર. મુખ્યમંત્રી કોણ બનશે તે પ્રશ્ન પર તેમણે કહ્યું કે મુખ્યમંત્રી અંગે પાર્ટીનો નિર્ણય હશે તે બધાને માન્ય રહશે.

વધુમાં તેમને દિલ્હીમાં ભાજપ સરકાર બનતાની સાથે કયા કયા કામોને પ્રાથમિકતા આપવામાં આવશે તેના પર તેમણે કહ્યું કે દિલ્હીમાં સૌથી પહેલા દિલ્હીની મહિલાઓને 2500 રૂપિયા આપવાનું કામ કરીશું, 2). ભ્રષ્ટાચાર સામે એસઆઈટીની રચના કરીશું, 3). યમુના રિવરફ્રન્ટ બનાવીશું, 4). દિલ્હીમાં પ્રદૂષણ ઓછું કરીશું, 5). દિલ્હીના ટ્રાફિકની સમસ્યાને હલ કરીશું, 6). દિલ્હીને સુંદર બનાવીશું. દિલ્હીને રાજધાની પર ગર્વ થશે તેવી રાજધાની બનાવીશું.

ભારતીય જનતા પાર્ટી (ભાજપ) એ દિલ્હી વિધાનસભા ચૂંટણીમાં વિજય મેળવ્યો છે, જેનાથી આમ આદમી પાર્ટી (AAP) ના ૧૦ વર્ષના શાસનનો અંત આવ્યો છે. ચૂંટણી પંચ અનુસાર, ભાજપે ૧૩ બેઠકો જીતી છે અને ૩૪ બેઠકો પર આગળ છે, કુલ ૪૭ બેઠકો મેળવી છે. બીજી તરફ, AAP એ ૧૧ બેઠકો જીતી છે અને ૧૨ બેઠકો પર આગળ છે, કુલ ૨૩ બેઠકો મેળવી શકે છે. કોંગ્રેસ પાર્ટી સતત ત્રીજી વખત એક પણ બેઠક મેળવવામાં નિષ્ફળ રહી છે.