WhatsAppનું સૌથી મોટું અપડેટ, યુઝર્સ હવે અન્ય એપ પર પણ મોકલી શકશે મેસેજ... જાણો વિગત
WhatsApp ટૂંક સમયમાં જ યુઝર્સને ટેલિગ્રામ અને સિગ્નલ જેવી થર્ડ પાર્ટી એપ્સ પર કોલ અને મેસેજિંગ કરવાની મંજૂરી આપશે. મેટાએ આ સેવાને WhatsAppમાં એકીકૃત કરવાની પોતાની યોજના શેર કરી છે. કંપનીએ કહ્યું કે તે 2027માં થર્ડ પાર્ટી એપ્સ માટે કોલિંગ ફીચર પણ લાવશે.
X
વોટ્સએપમાં એક દમદાર ફીચર આવી રહ્યું છે. આ ફીચર વોટ્સએપ યુઝર્સને ટેલિગ્રામ, સિગ્નલ, iMessage અને Google Messages જેવી થર્ડ પાર્ટી એપ્સ પર મેસેજિંગ અને કોલ કરવાની સુવિધા આપશે. મેટાએ આ સેવાને WhatsAppમાં એકીકૃત કરવાની પોતાની યોજના શેર કરી છે. કંપનીએ બ્લોગ પોસ્ટમાં કહ્યું કે તે યુઝરની પ્રાઈવસી અને સિક્યોરિટી જાળવવા માટે ટેક્નોલોજી પર કામ કરી રહી છે. આ સાથે મેટાએ એક ફોટો પણ શેર કર્યો અને બતાવ્યું કે થર્ડ પાર્ટી ચેટ્સ WhatsApp અને Messenger પર કેવી દેખાશે.
થર્ડ પાર્ટી એપ્સ માટે કોલિંગ ફીચર વર્ષ 2027માં ઉપલબ્ધ થશે
મેટાએ જણાવ્યું કે થર્ડ પાર્ટી ચેટ્સ વિશે યુઝર્સને સૂચના આપવા માટે WhatsApp અને Messengerમાં નવા નોટિફિકેશન બનાવવામાં આવ્યા છે. આનાથી યુઝરને નવી મેસેજિંગ એપમાંથી આવનારા મેસેજની જાણ થશે. ખાસ વાત એ છે કે આમાં યુઝર્સ એ નક્કી કરી શકશે કે તેઓ કઈ થર્ડ પાર્ટી એપથી મેસેજ મેળવવા માંગે છે. મેટા અનુસાર, યુઝર્સ એક જ ઇનબોક્સમાં તમામ મેસેજ જોઈ શકશે.
જો યુઝર્સ ઈચ્છે તો તેઓ થર્ડ પાર્ટી ચેટ્સ માટે અલગ ફોલ્ડર પણ બનાવી શકે છે. યુઝર્સને 'રિચ મેસેજિંગ ફીચર્સ' પણ મળશે જેમ કે ટાઈપિંગ ઈન્ડિકેટર, રીડ રિસિપ્ટ, સીધો જવાબ અને થર્ડ પાર્ટી એપ્સ સાથે ચેટિંગ માટે રિએક્શન. જ્યાં સુધી થર્ડ પાર્ટી કોલિંગ ફીચરની વાત છે, કંપનીએ કહ્યું કે તે વર્ષ 2027માં ઉપલબ્ધ કરાવવામાં આવશે. Meta એ યુરોપિયન યુનિયનના ડિજિટલ માર્કેટ એક્ટ હેઠળ WhatsApp અને Messengerમાં મોટા ફેરફારો કરવાનો નિર્ણય લીધો છે.
ગ્રૂપ ચેટમાં કોલ લિંક ફીચર મળશે
WhatsApp ટૂંક સમયમાં ગ્રુપ ચેટમાં કોલ લિંક ફીચર ઓફર કરવા જઈ રહ્યું છે. WABetaInfoએ WhatsAppના આ આગામી ફીચર વિશે માહિતી આપી છે. રિપોર્ટ અનુસાર, આ ફીચરની મદદથી યુઝર્સ ગ્રુપ ચેટમાં જ કોલ લિંક બનાવી શકશે. આ ફીચરની ખાસ વાત એ છે કે તેના દ્વારા કરવામાં આવેલ કોલ યુઝર્સને રીંગ કર્યા વગર જ શરૂ થશે.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https://whatsapp.com/channel/0029Va5h5lFLikgFQ1gJxZ2U
WhatsApp Group : https://chat.whatsapp.com/L1eF5HL2qu51EIqrPVyoHB
TV13 Web : http://www.tv13gujarati.com/Recent Posts
