કોણ હતા ભારતના પેહલા હોલીવુડ સ્ટાર સાબુ દસ્તગીર? શા માટે બની રહી છે તેમની બાયોપિક?
X
ભારતના પ્રથમ હોલીવૂડ સ્ટાર સાબુ દસ્તગીરનું જીવન હવે ફિલ્મ અને વેબ સિરીઝ રૂપે રજૂ થવાનું છે. ‘Sabu: The Remarkable Story of India’s First Actor in Hollywood’ નામની જીવનકથા પર Almighty Motion Picture દ્વારા આ બાયોપિક બનાવવામાં આવશે. લેખિકા ડેબલીના મજુમદાર દ્વારા લખાયેલી આ જીવનકથા સાબુના અસાધારણ જીવનની કહાની કહે છે એક મહાવટના પુત્રથી લઈને હોલીવૂડના વોક ઓફ ફેમ સુધીની સફર.
મહાવટનો પુત્રથી હોલીવૂડ સુધીની યાત્રા
સાબુનો જન્મ 1924માં કરાપુરા, મૈસૂરમાં થયો હતો. બાળપણમાં જ માતા-પિતા ગુમાવ્યા બાદ તેણે હાથીઓના અસ્તબલમાં કામ કરવાનું શરૂ કર્યું. એક દિવસ અમેરિકન ફિલ્મ નિર્માતા રોબર્ટ ફ્લાહર્ટી તેને ‘Elephant Boy’ માટે પસંદ કર્યો. આ ફિલ્મ રુડયાર્ડ કિપલિંગની વાર્તા ‘Toomai of the Elephants’ પર આધારિત હતી અને સાબુ માત્ર 13 વર્ષની ઉંમરે હોલીવૂડમાં પ્રવેશ કર્યો.
વિશ્વભરમાં પ્રસિદ્ધિ અને ફિલ્મો
‘Elephant Boy’ પછી સાબુ ‘The Thief of Bagdad’, ‘Jungle Book’, ‘Arabian Nights’, અને ‘Black Narcissus’ જેવી ફિલ્મોમાં જોવા મળ્યો. તે હોલીવૂડમાં એક “એક્સોટિક હીરો” તરીકે ઓળખાયો, જો કે ઘણીવાર સ્ટીરિયોટાઇપ રોલ મળતા. તેમ છતાં, સાબુ એ પૂર્વ અને પશ્ચિમ વચ્ચેના સાંસ્કૃતિક પુલ તરીકે ઓળખાયો.
વિશ્વયુદ્ધમાં વીરતા
સાબુએ અમેરિકન નાગરિકત્વ મેળવ્યા બાદ યુ.એસ. એર ફોર્સમાં એર ગનર તરીકે સેવા આપી. તેણે 42 મિશન ઉડાન ભરી અને Flying Cross તથા Air Medal જેવા સન્માન મેળવ્યા. તે reel-life હીરોમાંથી real-life હીરો બની ગયો.
મધર ઇન્ડિયામાં ભીરૂ બનવાનો મોકો ગુમાવ્યો
સાબુને ‘મધર ઇન્ડિયા’ ફિલ્મમાં ભીરૂની ભૂમિકા માટે પસંદ કરવામાં આવ્યો હતો, પણ વિઝા સમસ્યાને કારણે તે રોલ મળ્યો નહીં. આ રોલ પછી સુનીલ દત્તને મળ્યો. આ રીતે, સાબુ ભારતની ફિલ્મોમાં ક્યારેય દેખાયો નહીં જોકે તે ભારતીય હતો.
અકાળ મૃત્યુ અને વારસો
1963માં માત્ર 39 વર્ષની ઉંમરે સાબુનું હ્રદયરોગથી અવસાન થયું. તેમ છતાં, 1960માં તેને હોલીવૂડ વોક ઓફ ફેમમાં સ્થાન મળ્યું. Almighty Motion Pictureના પ્રોડ્યુસર પ્રભલીન સંધુ કહે છે કે, “સાબુ માત્ર સ્ટાર નહોતો તે સંસ્કૃતિઓ અને યુગો વચ્ચેનો પુલ હતો. તેના વારસાને જીવંત રાખવોએ અમારી જવાબદારી છે.”
FOLLOW US ON SOCIAL MEDIA PLATFORM
TV13 Web : http://www.tv13gujarati.com/
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
WhatsApp Channel : https: //whatsapp.com/channel/
WhatsApp Group : https://chat.whats
Recent Posts
