ઈઝરાયલે ગાઝા પટ્ટીને ઘેરવા માટે મોટી રણનીતિ તૈયાર કરી છે. અહીં નાકાબંધી લાદવામાં આવી છે, જેના કારણે ભય વધી ગયો છે કે ઈઝરાયેલ હવે આકાશની સાથે જમીન પર હુમલો કરવાની યોજના બનાવી રહ્યું છે. હિંસામાં 1500થી વધુ લોકોએ જીવ ગુમાવ્યા છે.

દક્ષિણ ગાઝા પટ્ટીમાં રફાહ શરણાર્થી કેમ્પ પર ઈઝરાયેલના હુમલામાં મોટી સંખ્યામાં લોકો માર્યા ગયા છે. અંતિમ સંસ્કાર વખતે લોકો શોક વ્યક્ત કરવા માટે આવ્યા હતા. પરિવારજનો મૃતદેહને પોતાની સાથે લઈ ગયા હતા.

ઈઝરાયેલના હુમલા બાદ ગાઝા પટ્ટીમાં લોકોમાં ગભરાટનો માહોલ છે. આંખોમાં ડર દેખાય છે. શોક અને ગુસ્સો પણ વ્યક્ત કરવામાં આવી રહ્યો છે. અહીં લોકો પોતાને અને પોતાના પરિવારને બચાવવા માટે ભરપૂર પ્રયાસ કરી રહ્યા છે.

ગાઝા પટ્ટી વિસ્તારમાં લોકો પોતાના ઘરોમાં છુપાયેલા છે. બહાર જતી વખતે જીવ ગુમાવવાનું જોખમ વધી ગયું છે. અહીં બાળકો પણ ડરી ગયેલા જોવા મળે છે. પરિવારના સભ્યો સુરક્ષિત જગ્યાઓ શોધવામાં વ્યસ્ત છે.

ગાઝામાં ઈઝરાયેલના હુમલામાં એક પેલેસ્ટિનિયન બાળક ઘાયલ થયો હતો. ડૉક્ટર તેને એમ્બ્યુલન્સમાં લઈ ગયા અને પ્રાથમિક સારવાર આપી.

ગાઝાના આરોગ્ય મંત્રાલયે જણાવ્યું હતું કે શનિવારથી ઇઝરાયેલના હવાઈ હુમલામાં ઓછામાં ઓછા 687 પેલેસ્ટિનિયન માર્યા ગયા છે અને 3,726 ઘાયલ થયા છે.

ગાઝા પટ્ટીમાં જે સ્થળોએ હુમલો કરવામાં આવ્યો તેમાં એપાર્ટમેન્ટ બ્લોક્સ, એક મસ્જિદ અને એક હોસ્પિટલનો સમાવેશ થાય છે. હુમલામાં રસ્તાઓ અને મકાનો પણ ધ્વસ્ત થઈ ગયા છે.

ઇઝરાયેલે ખાનગી પેલેસ્ટિનિયન ટેલિકોમ્યુનિકેશન કંપનીના હેડક્વાર્ટર પર પણ બોમ્બમારો કરીને લેન્ડલાઇન ટેલિફોન, ઇન્ટરનેટ અને મોબાઇલ ફોન સેવાઓમાં વિક્ષેપ પાડ્યો હતો.