જો તમે 14 ઓક્ટોબરે નરેન્દ્ર મોદી સ્ટેડિયમમાં વર્લ્ડ કપ 2023ની ભારત-પાકિસ્તાન મેચ જોવા માંગો છો, તો તમારે લાખો રૂપિયા ખર્ચવા પડી શકે છે.

આ મેચની ટિકિટો સતત વેચાઈ રહી છે, તેની સંખ્યા હવે ઘણી ઓછી થઈ ગઈ છે. ઘણા રિપોર્ટ્સમાં દાવો કરવામાં આવ્યો છે કે ટિકિટની કિંમત 19 લાખ રૂપિયા સુધી માંગવામાં આવી રહી છે.

viagogo વેબસાઈટ પર 75 હજારથી લઈને 5.5 લાખ રૂપિયાથી વધુની ટિકિટોના નામ દેખાઈ રહ્યા છે. સાઉથ પ્રીમિયર વેસ્ટ બેમાં બેસીને મેચ જોવા માટે તમારે 19 લાખ રૂપિયા ચૂકવવા પડી શકે છે.

રેપોર્ટસની માનીએ તો ભારત- પાકિસ્તાન સિવાય ઓસ્ટ્રેલિયા સાથેની મેચ માટે તમારે 9.3 લાખ રૂપિયા ચૂકવવા પડી શકે છે.

જો તમે નરેન્દ્ર મોદી સ્ટેડિયમની બહાર ટિકિટ ખરીદવા માંગતા હોવ તો તમારે 6 કલાક સુધી લાઈનમાં ઉભા રહેવું પડશે. અધિકૃત વેબસાઇટ એટલે કે BookMyShow પર, ટિકિટો મિનિટોમાં સંપૂર્ણ રીતે વેચાઈ રહી છે.

તે જ સમયે, લખનૌમાં ભારત અને ઇંગ્લેન્ડ વચ્ચેની મેચ માટે તમારે 2.34 લાખ રૂપિયા ચૂકવવા પડી શકે છે.

દિલ્હીમાં અફઘાનિસ્તાન સામેની મેચની ટિકિટની કિંમત 38,877 રૂપિયાથી શરૂ થાય છે અને 2.34 લાખ રૂપિયા સુધી જાય છે.

ઓસ્ટ્રેલિયા સામે ચેન્નાઈમાં રમાનાર મેચની ટિકિટની કિંમત 31 હજાર રૂપિયાથી શરૂ થાય છે અને 9.3 લાખ રૂપિયા સુધી પહોંચે છે.

ભારતીય ટીમ તેની પ્રથમ મેચ ઓસ્ટ્રેલિયા સામે 8 ઓક્ટોબરે ચેન્નાઈમાં રમશે.

પ્રથમ સેમિફાઇનલ 15 નવેમ્બરે મુંબઈમાં અને બીજી બીજા દિવસે કોલકાતામાં રમાશે. બંને સેમિફાઇનલમાં રિઝર્વ ડે રહેશે.

ફાઇનલ મેચ અમદાવાદમાં 19મી નવેમ્બરે યોજાશે જ્યારે 20મી નવેમ્બર રિઝર્વ ડે હશે. ત્રણેય નોકઆઉટ મેચો ડે-નાઈટ રહેશે.