સિદ્ધાર્થ મલ્હોત્રા અને કિયારા અડવાણી બોલિવૂડના લોકપ્રિય કપલમાંથી એક છે. આ વર્ષે ફેબ્રુઆરીમાં બંનેએ લગ્ન કરીને પોતાના ફેન્સને મોટું સરપ્રાઈઝ આપ્યું હતું. લગ્ન પછી કિયારાની આ પહેલી કરવા ચોથ હશે.

સપ્ટેમ્બર મહિનામાં, પરિણીતી ચોપરા અને રાઘવ ચઢ્ઢાએ ઉદયપુરમાં પરિવાર અને નજીકના લોકોની હાજરીમાં સાત ફેરા લીધા હતા. હવે પરિણીતી તેની પ્રથમ કરવા ચોથ માટે ખૂબ જ ઉત્સાહિત છે.

જાન્યુઆરી મહિનામાં આથિયા શેટ્ટીએ ક્રિકેટર કેએલ રાહુલની દુલ્હન બનીને એક નવી સફર શરૂ કરી હતી. આ વર્ષે અથિયા પણ તેની પ્રથમ કરવા ચોથની ઉજવણી કરવા જઈ રહી છે.

સાઉથ એક્ટ્રેસ હંસિકા મોટવાણીએ ગયા વર્ષે ડિસેમ્બરમાં બિઝનેસમેન સાહિલ કોઠારી સાથે લગ્ન કર્યા હતા. હંસિકા પણ આ વર્ષે પહેલીવાર સાહિલ માટે ઉપવાસ રાખશે.

આ વર્ષે સ્વરા ભાસ્કર અને સપા નેતા ફહાદ અહેમદના લગ્નની ખૂબ ચર્ચા થઈ હતી. બંનેએ ફેબ્રુઆરીમાં લગ્ન કરીને તેમના સંબંધોને સત્તાવાર બનાવ્યા હતા. લગ્ન બાદ સ્વરા એક પુત્રીની માતા પણ બની છે.

અભિનેત્રી સોનાલી સેગલે જૂન 2023માં તેના લાંબા સમયના બોયફ્રેન્ડ આશિષ સજનાની સાથે લગ્ન કર્યા હતા. બંનેના લગ્નના ફોટા સોશિયલ મીડિયા પર વાયરલ થયા હતા.