પરિણીતીએ તેના લગ્નમાં ગોલ્ડન કલરનો લહેંગા પહેર્યો હતો, પરંતુ અભિનેત્રીના લગ્નના ફોટા સામે આવતા જ ઘણા લોકોએ તેના વેડિંગ લૂકને આલિયા ભટ્ટના વેડિંગ લૂક સાથે કમ્પેર કરવાનું શરૂ કરી દીધું હતું.

પરિણીતીનો સિમ્પલ અને ક્લાસિક બ્રાઈડલ લુક ઘણા ચાહકોને પસંદ આવ્યો તો ઘણાએ તેને ટ્રોલ કરી. હવે અભિનેત્રીના સ્ટાઈલિશે આપેલા ઈન્ટરવ્યુમાં પરિણીતીના ટ્રોલિંગ પર પ્રતિક્રિયા આપી છે.

પરિણીતીના લગ્નના દરેક ફંક્શનનો લુક નિધિ અગ્રવાલ અને શ્રદ્ધા લાખાણીએ બનાવ્યો હતો. આલિયા-કિયારા સાથે પરિણીતિના વેડિંગ લૂકની સરખામણી પર નિધિએ કહ્યું- હું માનું છું કે કોઈ બે દુલ્હન એકસરખી ન દેખાઈ શકે. મને નથી લાગતું કે કોઈ કન્યા બીજી કન્યાના લગ્નના ફોટાની નકલ કરશે. બધા એકબીજાથી ખૂબ જ અલગ છે.

લોકો જાણે છે કે તેઓ શું ઈચ્છે છે. આપણામાંના ઘણાએ આ દિવસની કલ્પના કરી હતી. અમને ખબર હતી કે રંગ કેવો હશે, કેવો અનુભવ થશે. આ વસ્તુ કોઈપણ વ્યક્તિ માટે ખૂબ જ વ્યક્તિગત છે. મને લાગે છે કે કોઈપણ દુલ્હનના લુકને આ રીતે ટ્રોલ કરવું તદ્દન અયોગ્ય છે.

જો હું પરિણીતીના લગ્નના ફોટા જોઉં તો મને નથી લાગતું કે તેણે કોઈની નકલ કરવાનો પ્રયાસ કર્યો હોય.

શ્રદ્ધાએ કહ્યું- ઈન્ટરનેટ પર કંઈપણ ટ્રોલ કરવું અને લખવું ખૂબ જ સરળ છે, પરંતુ લોકો સમજી શક્યા નહીં કે પરિણીતીના દરેક લુક પાછળ શું વિચાર છે.

ઘણા લોકો પરિણીતીની એન્ટ્રીને કિયારાની એન્ટ્રીની કોપી ગણાવી રહ્યા છે. પરિણીતીએ પોતાનું એન્ટ્રી ગીત ગાયું હતું. આ પહેલા કઈ કન્યાએ કર્યું છે આવું?

પરિણીતીના શૂઝ પર્સનલાઇઝ્ડ હતા. દંપતીના નામના પ્રથમ અક્ષરો અને લગ્નની તારીખ તેમના લગ્નના તમામ શૂઝ પર લખેલી હતી.