યુપીઆઈ દ્વારા પેમેન્ટ દેશના ખૂણે ખૂણે થવા લાગ્યું છે. UPI દ્વારા ચૂકવણીની સંખ્યા દરરોજ વધી રહી છે. આટલું જ નહીં દેશની સાથે વિદેશમાં પણ તેનો ઉપયોગ થવા લાગ્યો છે.

દરમિયાન, UPI દ્વારા ચુકવણી કરતી વખતે, ખોટા UPIમાં નાણાં ટ્રાન્સફર થઈ શકે છે. જો UPI પેમેન્ટ કરતી વખતે ખોટા UPIમાં પૈસા ટ્રાન્સફર કરવામાં આવે તો આ રકમ વસૂલી શકાય છે.

આ માટે તમારે પહેલા ફરિયાદ કરવાની રહેશે. PhonePe, Paytm અથવા Google Pay, તમે કોઈપણ રીતે ચુકવણી કરી હોય. તમારે તેના કસ્ટમર કેર નંબર પર ફોન કરીને ફરિયાદ નોંધાવવી પડશે.

આ પછી વ્યક્તિએ NPCI પોર્ટલ પર ડિસ્પ્યુટ રિડ્રેસલ મિકેનિઝમ ટેબ દ્વારા પણ ફરિયાદ નોંધાવવી પડશે. તમારે આ પોર્ટલ પર કેટલીક માહિતી ભરીને ફરિયાદ નોંધાવવી પડશે.

અહીં તમારે સમસ્યા, ટ્રાન્ઝેક્શન વિગતો, મેઇલ આઈડી અને રજિસ્ટર્ડ મોબાઈલ નંબર દાખલ કરવો પડશે. અહીં તમને ખોટા ટ્રાન્સફર એકાઉન્ટનો વિકલ્પ દેખાશે. હવે તમારે બેંક એકાઉન્ટ સ્ટેટમેન્ટ અને ફરિયાદ સબમિટ કરવી પડશે.

જો અહીં પણ સમસ્યાનું નિરાકરણ ન આવે તો તમે બેંકમાં જઈ શકો છો અથવા બેંકિંગ ઓમ્બડ્સમેનને ફરિયાદ પણ કરી શકો છો.