ટીમ ઈન્ડિયાના કેપ્ટન રોહિત શર્માની કુલ સંપત્તિ લગભગ 215 કરોડ રૂપિયા છે. રોહિત શર્માને BCCI કરાર હેઠળ 'ગ્રેડ એ પ્લસ' કેટેગરીમાં સામેલ કરવામાં આવ્યો છે. આ ગ્રેડ હેઠળ તેમનો વાર્ષિક પગાર 7 કરોડ રૂપિયા છે. આ સિવાય તેમને દરેક મેચ માટે અલગથી ફી પણ મળે છે. તેની ODI મેચ ફી 3 લાખ રૂપિયા, ટેસ્ટ ફી 5 લાખ રૂપિયા અને T20 મેચ ફી 1.5 લાખ રૂપિયા છે.

રોહિત શર્માને તેની IPL ફ્રેન્ચાઇઝી મુંબઈ ઇન્ડિયન્સ તરફથી એક સિઝન માટે 16 કરોડ રૂપિયા પણ મળે છે. આ સિવાય તે ઘણી બ્રાન્ડનું પ્રમોશન પણ કરે છે. તેમનું રિયલ એસ્ટેટમાં પણ રોકાણ છે.

રોહિત શર્મા મુંબઈના વર્લીમાં 4 BHK એપાર્ટમેન્ટમાં રહે છે, જેની કિંમત લગભગ 30 કરોડ રૂપિયા છે. તેની પાસે ઘણી લક્ઝરી કાર છે. જેમાં મર્સિડીઝ બેન્ઝ, ટોયોટા સુઝુકી અને લેમ્બોર્ગિની ઉરુસ કારનો સમાવેશ થાય છે. તેની પાસે સુઝુકી હાયાબુસા બાઇક પણ છે.

વિરાટ કોહલીની કુલ સંપત્તિ રોહિત કરતા લગભગ 5 ગણી છે. તેઓ લગભગ 1050 કરોડ રૂપિયાની સંપત્તિના માલિક છે. વિરાટ કોહલી પણ બીસીસીઆઈની 'ગ્રેડ એ પ્લસ' શ્રેણીમાં સામેલ છે. એટલે કે તેને વાર્ષિક 7 કરોડ રૂપિયાનો પગાર પણ મળે છે. વિરાટની મેચ ફી પણ રોહિત જેટલી જ છે.

IPLમાં વિરાટને રોહિત કરતા એક કરોડ ઓછો પગાર મળે છે. આરસીબી તેને એક સીઝન માટે 15 કરોડ રૂપિયા ચૂકવે છે. 

આ સાથે વિરાટ બ્રાંડ પ્રમોશન અને અન્ય રોકાણો દ્વારા ઘણી કમાણી કરે છે. તે લગભગ 18 બ્રાન્ડની જાહેરાત કરે છે. 

વિરાટ કોહલી પાસે લક્ઝરી કારોનો મોટો કાફલો છે. તેની પાસે મર્સિડીઝ, ઓડી, BMW અને ફોક્સવેગન કાર છે.