ટીવી અભિનેત્રી હિના ખાને યોગ દિવસના દિવસે દરિયાકાંઠે યોગ કરતી કેટલીક શાંતિભરી તસવીરો શેર કરી. તેમણે લખ્યું કે યોગ, શ્વાસ વ્યવસ્થિત કરવી અને ધ્યાન—આ બધું જીવન માટે જરૂરી છે. “સૌથી પહેલા પોતાને માટે શ્રેષ્ઠ બનો,” એમ તેમણે ઉમેર્યું.

ફિટનેસ માટે જાણીતી શિલ્પા શેટ્ટીએ પણ યોગ દિવસ પર પોતાનો યોગ સત્રનો વીડિયો શેર કર્યો. તેમણે લખ્યું કે “જ્યારે આપણને કંઈક ખાસ મળે છે, ત્યારે તેની કિંમત સમજવી જોઈએ.” તેમણે ધનુરાસન, સેતુબંધાસન અને ચક્રાસન જેવા આસનો કર્યા અને યોગને જીવનશૈલીનો ભાગ બનાવવાનો સંદેશ આપ્યો.

અભિનેતા અનુપમ ખેરે ન્યૂયોર્કના ટાઈમ્સ સ્ક્વેર પર યોગ દિવસ ઉજવ્યો. તેમણે ઇન્સ્ટાગ્રામ પર તસવીરો શેર કરી અને ભારતનું પ્રતિનિધિત્વ કરતા ગૌરવ અનુભવો વ્યક્ત કર્યો.

આયુષ્માન ખુરાનાની પત્ની તાહિરા કશ્યપે યોગ દિવસ પર અષ્ટાંગ યોગ કરતા ફોટા શેર કર્યા અને લખ્યું કે “આ એક આધ્યાત્મિક, શારીરિક અને ભાવનાત્મક પરિવર્તન છે.” તેમણે યોગને જીવનમાં અપનાવવાનો સંકલ્પ વ્યક્ત કર્યો.

અભિનેત્રી નિમ્રત કૌરે કુદરતની વચ્ચે યોગ કરતી તસવીરો શેર કરી અને લખ્યું કે “યોગ માત્ર આસનો નથી, તે મનની શક્તિ છે. શ્વાસ, શરીર અને આત્માનું સંતુલન છે. યોગ: કર્મસુ કૌશલમ'”

અભિનેત્રી નિકિતા દત્તાએ યોગ કરતી તસવીરો શેર કરી અને ચાહકોને યોગ દિવસની શુભેચ્છા આપી. રણબીર કપૂરની બહેન રિદ્ધિમા કપૂર સાહનીએ પણ ફિલ્મ શૂટિંગ દરમિયાન ક્રૂ સાથે યોગ દિવસ ઉજવ્યો.