DC vs GT: દિલ્હીએ ગુજરાતને 225 રનનો ટાર્ગેટ આપ્યો, પંતની પાવરફૂલ ફિફ્ટી
IPL 2024ની 40મી મેચમાં દિલ્હી કેપિટલ્સ અને ગુજરાત ટાઇટન્સ સામસામે છે. આ મેચ દિલ્હીના અરુણ જેટલી સ્ટેડિયમમાં રમાઈ રહી છે. છેલ્લી વખત બંને ટીમો આમને સામને આવી ત્યારે દિલ્હીએ ગુજરાતને છ વિકેટે હરાવ્યું હતું. જો કે, તે પછી દિલ્હી જ્યારે સનરાઇઝર્સ સામે હારી ગયું, ત્યારે ગુજરાત પંજાબ સામે જીત્યું. આજની મેચમાં બંને વચ્ચે જોરદાર સ્પર્ધા થઈ શકે છે.
દિલ્હી કેપિટલ્સે ગુજરાત ટાઇટન્સને 225 રનનો ટાર્ગેટ આપ્યો છે. પ્રથમ બેટિંગ કરતા દિલ્હીએ 20 ઓવરમાં પાંચ વિકેટ ગુમાવીને 224 રન બનાવ્યા હતા. કેપ્ટન ઋષભ પંતે 43 બોલમાં પાંચ ચોગ્ગા અને આઠ છગ્ગાની મદદથી 88 રનની અણનમ ઈનિંગ રમી હતી. દિલ્હીએ છેલ્લી પાંચ ઓવરમાં 97 રન બનાવ્યા હતા અને એક વિકેટ ગુમાવી હતી. 20મી ઓવરમાં બોલિંગ કરવા આવેલા મોહિત શર્માની ઓવરમાં પંતે 31 રન બનાવ્યા હતા. આ ઓવરમાં તેણે ચાર સિક્સર અને ફોર પણ ફટકારી હતી. એક સમયે દિલ્હીએ 44 રનમાં ત્રણ વિકેટ ગુમાવી દીધી હતી. આ પછી અક્ષર પટેલ અને પંત વચ્ચે 113 રનની ભાગીદારી થઈ હતી. અક્ષર 66 રન બનાવીને આઉટ થયો હતો. તે જ સમયે, પંત અને ટ્રિસ્ટન સ્ટબ્સ વચ્ચે 18 બોલમાં 67 રનની અતૂટ ભાગીદારી થઈ હતી. જેના કારણે દિલ્હીએ જંગી સ્કોર બનાવ્યો છે.
પંતની પાવરફૂલ બેટિંગ
રિષભ પંતે 34 બોલમાં તેની IPL કરિયરની 18મી અડધી સદી ફટકારી હતી. આ સિઝનમાં આ તેની ત્રીજી અડધી સદી હતી. 18 ઓવર પછી દિલ્હીનો સ્કોર ચાર વિકેટે 171 રન છે. હાલમાં ઋષભ પંત 57 રન અને ટ્રિસ્ટન સ્ટબ્સ પાંચ રન પર બેટિંગ કરી રહ્યો છે. અક્ષર પટેલ 66 રન બનાવીને આઉટ થયો હતો. જ્યારે સંદીપ વારિયરે ત્રણ વિકેટ ઝડપી હતી. દિલ્હી તરફથી ત્રીજા નંબર પર બેટિંગ કરવા આવેલ અક્ષર પટેલ મજબૂત ફોર્મમાં જોવા મળી રહ્યો છે. તેણે ગુજરાત સામે અડધી સદી ફટકારી છે. આ માટે તેણે 37 બોલની મદદ લીધી હતી. આ તેની આઈપીએલ કારકિર્દીની બીજી ફિફ્ટી છે.
વોરિયરની 3 વિકેટ
ગુજરાત તરફથી સંદીપ વોરીયરે 3 વિકેટ લીધી છે. સંદીપ વારિયરે ફ્રેઝર મેકગર્ક, પૃથ્વી શૉ અને શાઈ હોપની વિકેટ લીધી હતી.
FOLLOW US ON SOCIAL MEDIA PLATFORM
Facebook: https://www.facebook.com/tv13gujarati
Twitter : https://twitter.com/tv13gujarati
Instagram : https://instagram.com/tv13gujarati
linkedin : https://www.linkedin.com/company/9095...
TV13 Web : http://www.tv13gujarati.com/