અત્યારે લગભગ બધા જ ખેલાડીઓ અત્યારે IPLમાં વ્યસ્ત છે અને ફેન્સ પણ IPL ફીવરમાં છે, IPL પૂરો થશે કે તરત જ T20 વર્લ્ડકપનું કાઉન્ટડાઉન શરૂ થશે. આ વર્લ્ડકપમાં ઘણા એવા ખેલાડીઓ છે જેનો કદાચ આ છેલ્લો વર્લ્ડકપ હોઈ શકે છે. 

રોહિત શર્મા 

ભારતીય ટીમનો કેપ્ટન રોહીત શર્મા માટે કદાચ આ છેલ્લો વર્લ્ડકપ હશે. રોહીત શર્માની ઉંમર અત્યારે 37 વર્ષની છે. આવતા વર્લ્ડકપમાં કદાચ રોહિત રમતો નહીં જોવા મળે. ભારત તરફથી T20 રમતા રોહિતે 151 મેચ રમી છે જેમાં તેણે 121 રનના હાઈસ્કોર સાથે 3974 રન બનાવ્યા છે. રોહીતને જો ફિટનેસનો પ્રોબ્લેમ ન આવે તો તે આવતા વર્ષે IPLમાં રમી શકે છે પરંતુ ઈન્ટરનેશનલ T20 ક્રિકેટમાં રોહિતને  રમતો જોવો અઘરો છે.

વિરાટ કોહલી

ભારતીય ટીમના વધુ એક મહાન બેટ્સમેન કિંગ કોહલી માટે પણ કદાચ આ વર્લ્ડકપ છેલ્લો હોઈ શકે છે. કિંગ કોહલીની ફિટનેસ આમ તો એકદમ પરફેક્ટ છે પરંતુ કોહલીની સ્ટ્રાઈક રેટ છેલ્લા ઘણા સમયથી ટીકાકારોના નિશાન પર રહી છે. અત્યારે ચાલી રહેલા IPLમાં કોહલી બેંગ્લોરનો બેસ્ટ બેટ્સમેન રહ્યો છે અને પર્પલ કેપ હોલ્ડર પણ છે પરંતુ આ વર્લ્ડકપ પછી કોહલીનું રમવું બહુ મુશ્કેલ છે કારણ કે અત્યારે 35 વર્ષનો છે આવતા વર્લ્ડકપ સુધીમાં તેની ઉમર 37 વર્ષની થશે અને ભવિષ્યમાં આવનાર નવા બેટ્સમેનો પણ સારું પ્રદર્શન કરી રહ્યા છે એટલે સિલેક્ટર્સ ભવિષ્યનું વિચારી શકે છે. કિંગ કોહલી અત્યાર સુધીમાં 117 T20 રમ્યો છે જેમાં તેણે 138ની સ્ટાઈક રેટથી 4037 રન બનાવ્યા છે. જેમાં કોહલીનો બેસ્ટ સ્કોર 122 રન છે. 

રવીન્દ્ર જાડેજા 

સર રવીન્દ્ર જાડેજા વિશ્વ નો નંબર વન ઓલ રાઉન્ડર છે. રવીન્દ્ર જાડેજા છેલ્લા ઘણા સમયથી ભારતીય ટીમનો મહત્વનો પ્લેયર છે. રવીન્દ્ર જાડેજા આ T20 વર્લ્ડકપમાં પણ ભારતનો હુકમનો એક્કો થઈ શકે છે. પરંતુ સર જાડેજા માટે પણ આ છેલ્લો T20 વર્લ્ડકપ હોઈ શકે છે. જાડેજાની ઉંમર અત્યારે 35 વર્ષ છે, આવતા વર્લ્ડકપમાં જાડેજા 37 વર્ષનો હશે ત્યારે એની ફિટનેશ પર નક્કી થઈ શકશે કે જાડેજા આગળનો વર્લ્ડકપ રમશે કે નહીં. જાડેજાએ ભારત તરફથી રમતા T20 66 મેચમાં 46 રનના હાઈ સ્કોર સાથે 480 રન બનાવ્યા છે, 53 વિકેટ લીધી છે. જાડેજા અત્યારે IPLમાં ચેન્નાઈ તરફથી જોરદાર પ્રદર્શન કરી રહ્યો છે.